TIENWOGIKAL 124 - BUKUIT NE TILIIL Sireet ne Dutero Kanon

Mwaetap kongoi agobo katyagetap Israel

¹ Nda ki ma ko Kamuktaindet ne Toroor ne ki mi komostanyo, ingomwa Israel nguno kole

² nda ki ma ko Kamuktaindet ne Toroor ne ki mi komostanyo, ye king'eetyinech piik,

³ ta ki koluguech kesaptosi, ye kilaldos nereegekwak agobo acheek;

⁴ kita imaluuchech peek, kita roote aineet saboonwekyok;

⁵ kita roote saboonwekyok peek che wasegei.

⁶ Iberuurot Kamuktaindet ne Toroor, ne ki ma igoitech kibutyi kelekwak.

⁷ Chilildos saboonwekyok ko uu ye chilili toriityon eng' mesteetap kiplogotinik che parei toriitik; kagong'et mesteet, ak kagechililse.

⁸ Miitei toretennyo kainetap Kamuktaindet ne Toroor, ne ki yai kipsengwet ak ng'wony.