TIENWOGIKAL 123 - BUKUIT NE TILIIL Sireet ne Dutero Kanon

Soomet agobo rireenet

¹ Anyalin, ee inyee ne tebee kipsengwet.

² Ogeero, ko uu ye keerei otwogik eutap kiptaiyannywa, ko uu ye keerei chepto eutap chebyoset ne pou ineendet; ko uu nooto keerei konyekyok Kamuktaindet ne Toroor, Kamuktaindennyo, agoi korirenech.

³ Rirenech, ee Kamuktaindet ne Toroor, rirenech; amu kigonyiiech sasisyet miising'.

⁴ Kigonyi saboonwekyok miising' chotisyetap icheeget che imuunyi, ak eng' sasisyetap menotik.