TIENWOGIKAL 121 - BUKUIT NE TILIIL Sireet ne Dutero Kanon

Riibseetap Kamuktaindet

¹ Anyali tuloonook; punu ano toreteennyu?

² Punu toreteennyu Kamuktaindet ne Toroor, ne ki yai kipsengwet ak ng'wony.

³ Ma chamdoi ineendet keeldong'ung' keisto; ma inuuchi ineendet ne riibin.

⁴ Ogeero, ineendet ne riibei Israel koma inuuchi ama ruei.

⁵ Riibindeng'ung' Kamuktaindet ne Toroor; Kamuktaindet ne Toroor ko urweng'ung' eng' eung'ung' ne po tai.

⁶ Ma pirin asiista peet, ama pirin arawet kemoi.

⁷ Riibin Kamuktaindet ne Toroor eng' yaityet tugul; riibei saboondang'ung'.

⁸ Riibin Kamuktaindet ne Toroor ye imandoi saang' ak ye inyone ko, kobooch nguno agoi koigeny.