TIENWOGIKAL 120 - BUKUIT NE TILIIL Sireet ne Dutero Kanon

Saaet agobo katyaget

¹ Ki ariirchi Kamuktaindet ne Toroor eng' pichiindanyu, ak ki wolwo.

² Saru saboondanyu, ee Kamuktaindet ne Toroor, eng' kutusweek che mwaei lembech, ak eng' ng'elyepta ne ng'aalsei.

³ Kigoonin nee, anan kitesun nee, inyee, ng'elyepta ne ng'aalsei?

⁴ Kipchabonik che litotin che po che kiimeen kobooto nesek che po keetit ne kiguure Junipa.

⁵ Pwo we, anee amu ki aegu ononio eng' Meshek, amu amenye kwenutap emaisyegap Kedar!

⁶ Ki komeng'iis saboondanyu keny kobooto ineendet ne wechei kaalyeet.

⁷ Achame kaalyeet; ago ye ang'alaali, kochamei icheek pooryeet.