TIENWOGIKAL 119 - BUKUIT NE TILIIL Sireet ne Dutero Kanon

Ng'atuutyetap Kamuktaindet

¹ Poiboen che ititaatiin eng' ooreet, che pendote ng'atuutyetap Kamuktaindet ne Toroor.

² Poiboen icheek che riibei paornatosyekyik, che cheeng'ei ineendet eng' muguleldo komugul,

³ ma yaei icheek che ma po iman; ago pendote ortinwekyik.

⁴ Ki ing'at kaneetisyosyeguk, ile kisup eng' kagiiletapkei.

⁵ Ee, kata myee nda ka kiimeen ortinwekyuk si kobiit asup ng'atuutiguk!

⁶ Si ma lilan, ye ariibe komyee ng'atuutiguk tugul.

⁷ Amwaun kongoi eng' lititindap muguleldo, ye aneetigei kirogutiguk che po iman.

⁸ Asubi ng'atuutiguk; amebagaaktaa agoi.

⁹ Itiliile nee mureno ooreennyi? Kogas iit, ko uu ng'olyoondeng'ung'.

¹⁰ Ki acheeng'in eng' muguleldanyu tugul; amegoono alooitune ng'atuutiguk.

¹¹ Kaagonoree muguleldanyu ng'olyoondeng'ung'. si ma yaun tengek.

¹² Iberuurot inyee, ee Kamuktaindet ne Toroor; ineeta ng'atuutiguk.

¹³ Ki amwaite eng' kutinnyu kirwoogutik tugul che punu kuting'ung'.

¹⁴ Ki abaibaitune ooreetap paornatosyeguk, ko uu ye abaibai eng' mogornatosyek tugul.

¹⁵ Abwaatati kaneetisyosyeguk ak ariibe ortinweguk.

¹⁶ Abaibaitu eng' ng'atuutiguk; ma utye ng'olyoondeng'ung'.

¹⁷ Yachi kiboityondeng'ung' eng' aiyebindo, si kobiit asap ak ariip ng'olyoondeng'ung'.

¹⁸ Yaat konyekyuk, si kobiit ageer tuguuk che kikwong'ee eng' ng'atuutyeng'ung'.

¹⁹ Aa kiprutoiyo eng' ng'wony; ameung'ena ng'atuutiguk.

²⁰ Tonoksei saboondanyu amu emosto ne tinyei kotugul eng' kirwoogutiguk.

²¹ Ki iger kong' menotik che chubootiin, che looitune ng'atuutiguk.

²² Istoena chotisyet ak sasisyet; amu ki ariip paornatosyeguk.

²³ Ki tebi pounik kochaama: ago ki ibwaati kiboityondeng'ung' ng'atuutiguk.

²⁴ Poiboiyennyu paornatosyeguk ak che ing'omita.

²⁵ Namegei saboondanyu ak temburyek; isooba inyee ko uu ng'olyoondeng'ung'.

²⁶ Ki abooru ortinwekyuk, ak ki iwolwoo; ineeta ng'atuutiguk.

²⁷ Koono aguiyo ooreetap kaneetisyosyeguk, si abwaatat poisyoniguk che kikwong'ee.

²⁸ Chootei saboondanyu amu arageneet; igimita ko uu ng'olyoondeng'ung'.

²⁹ Istoena ooreetap lembech; ak igoono ng'atuutyeng'ung' eng' myeeindo.

³⁰ Ki alewen ooreetap imanda; ki ande tainnyu kirwoogutiguk.

³¹ Kinamegei ak paornatosyeguk, ee Kamuktaindet ne Toroor; amegoono alilan.

³² Alabati eng' ooreetap ng'atuutiguk, ye ibaroi muguleldanyu.

Kesoom kaguiyet

³³ Ineeta, ee Kamuktaindet ne Toroor, ooreetap ng'atuutiguk; ak asup agoi kagesunet.

³⁴ Koono kaguiyet, si kobiit ariip ng'atuutyeng'ung', si asup eng' muguleldanyu komugul.

³⁵ Koono abun ooreetap ng'atuutiguk; amu abaibaitune chooto.

³⁶ Tokyi muguleldanyu paornatosyeguk, ametokyi mageet ne ya.

³⁷ Iweech konyekyuk si ma keer che ma nyolu; ak isooba eng' ortinweguk.

³⁸ Igimiityi kiboityondeng'ung' ne iywein, ng'olyoondeng'ung'.

³⁹ Istoena rosyinet ne aiywei; amu myachen kirwoogutiguk.

⁴⁰ Keero, kigoama emo agobo kaneetisyosyeguk; isooba eng' imandang'ung'.

⁴¹ Ingobwanjo rireenosyeguk, ee Kamuktaindet ne Toroor, agot yetuneng'ung' ko uu ng'olyoondeng'ung'.

⁴² Anyoor anyun kiit ne awoljini ineendet ne rosyina; amu amang'u ng'olyoondeng'ung'.

⁴³ Amerep ng'olyoondeng'ung' ne po iman eng' kutinnyu; amu ki amang'u kirwoogutiguk.

⁴⁴ Asubi ng'atuutiguk kotugul koigeny ak koigeny.

⁴⁵ Awendoti eng' katyagnatet; amu ki acheeng' kaneetisyosyeguk.

⁴⁶ Amwaitoi agine paornatosyeguk eng' taitap laitorinik, amalilani.

⁴⁷ Abaibaitu eng' ng'atuutiguk, amu achame chooto.

⁴⁸ Anamjini parak eunekyuk atokyini ng'atuutiguk, che achame; ak abwaatati kayomisutiguk.

⁴⁹ Ibwaat ng'olyoot ne ki iarorchi kiboityondeng'ung', amu ki igoono amang'.

⁵⁰ Niito ko kagaigaennyu eng' nyalildanyu, amu kigosooba ng'olyoondeng'ung'.

⁵¹ Ki kororecha miising' menotik, ago tomo amaste amete ng'atuutyeng'ung'.

⁵² Ki abwaat kirwoogutiguk che po keny, ak ki agaigaige, ee Kamuktaindet ne Toroor.

⁵³ Ki anereech miising' kot, amu kiptengeginik che pagaktoi ng'atuutyeng'ung'.

⁵⁴ Ki koek ng'atuutiguk tyenwogikyuk eng' kootap rutoitanyu.

⁵⁵ Ki abwaat kaineng'ung' kemoi, ee Kamuktaindet ne Toroor, ak ki asup ng'atuutyeng'ung'.

⁵⁶ Ki ityon kaberuroniito, amu ki ariip kaneetisyosyeguk.

⁵⁷ Kamuktaindet ne Toroor kebebertanyu; ki amwa ale asubi ng'aleeguk.

⁵⁸ Ki ariirchi chamyeng'ung' eng' muguleldanyu komugul; rirena ko uu ng'olyoondeng'ung'.

⁵⁹ Ki abwaat ortinwekyuk, ak ki atokyi keelyekyuk paornatosyeguk.

⁶⁰ Ki achokyi, ki ma agagei, asup ng'atuutiguk.

⁶¹ Ki koratarata poroonigap kiptengeginik; ago tomo autye ng'atuutyeng'ung'.

⁶² Ang'eete kemoi kween amwaun kongoi amu kirwoogutiguk che po iman.

⁶³ Aa chorweetap icheek tugul che iywein, ak ne po icheeget che isubi kaneetisyosyeguk.

⁶⁴ Nyiitaat ng'wony rireeneng'ung', ee Kamuktaindet ne Toroor; ineeta ng'atuutiguk.

⁶⁵ Ki iyachi ne myee kiboityondeng'ung', Ee Kamuktaindet ne Toroor, ko uu ng'olyoondeng'ung'.

⁶⁶ Ineeta kirwooget ne myee ak naet; amu ki ayan ng'atuutiguk.

⁶⁷ Ki abetote ye kitom kinyalila; ago nguno asubi ng'olyoondeng'ung'.

⁶⁸ Ii myee, ak iyae ne myee; ineeta ng'atuutiguk.

⁶⁹ Kogochop menotik lembechek agobo anee, ariibe kaneetisyosyeguk eng' muguleldanyu komugul.

⁷⁰ Katimogis mugulelwekwak eng' akwaindo; ago abaibaitune ng'atuutyeng'ung',

⁷¹ Myee eng' anee amu ki kinyalila; si kobiit aneetkei ng'atuutiguk.

⁷² Kaigai eng' anee ng'atuutyetap kuting'ung' kosiir eliphusyegap thahabu ak fedha.

⁷³ Ki yaa euneguk ak kogimita; koono kaguiyet, si kobiit aneetkei ng'atuutiguk.

⁷⁴ Keera che iywein ak koboiboitu; amu ki amang'u ng'olyoondeng'ung'.

⁷⁵ Angen, ee Kamuktaindet ne Toroor, ale po iman kirwoogutiguk, ak ki ibira eng' imandang'ung'.

⁷⁶ Asaain ale ingoek chamyeng'ung' ne tala ne igaigaa, ko uu ng'olyoondeng'ung' eng' kiboityondeng'ung'.

⁷⁷ Ingobwanjo rireenosyeguk che po chamyet, si asap; amu poiboiyennyu ng'atuutyeng'ung'.

⁷⁸ Ingolilanso menotik; amu ki konyaliila puch, ago abwaatati kaneetisyosyeguk.

⁷⁹ Ingoweekyagei che iywein, si konai paornatosyeguk.

⁸⁰ Ingoek ne ititaat muguleldanyu eng' ng'atuutiguk; si ma lilan.

⁸¹ Tanui saboondanyu amu machei yetuneng'ung'; ago amang'u ng'olyoondeng'ung'.

⁸² Kaimenitu konyekyuk agobo ng'olyoondeng'ung', ye amwae ale, “Igaigaa au?”

⁸³ Amu kaige soteet ne ki kinde iyeto; ago ma utye ng'atuutiguk.

⁸⁴ Egu ata peetuusyegap kiboityondeng'ung'? Irwookyini au che onota?

⁸⁵ Kigobal keriingonik menotik agobo anee, che ma isubi ng'atuutyeng'ung'.

⁸⁶ Po iman ng'atuutiguk tugul; onota puch; toreto inyee!

⁸⁷ Ki neegit kowong'wa eng' ng'wony; ago ki ma abagaakte kaneetisyosyeguk.

⁸⁸ Isooba eng' chamyeng'ung' ne tala; si asup anyun paornateetap kuting'ung'.

⁸⁹ Ee Kamuktaindet ne Toroor, tebee ng'olyoondeng'ung' kipsengwet koigeny.

⁹⁰ Yamu ibinwek tugul imandang'ung'; ki igimit inyee ng'wony, ak tebyei.

⁹¹ Tebyei icheek agoi kora ko uu kirwoogutiguk; amu otwogiguk tuguuk tugul.

⁹² Nda ki ma ek poiboiyennyu ng'atuutyeng'ung', ta ki abet eng' nyalildanyu.

⁹³ Ma koi autye kaneetisyosyeguk; amu ki isooba inyee eng' chooto.

⁹⁴ Aa neng'ung', sarwo anyun; amu ki acheeng' kaneetisyosyeguk.

⁹⁵ Ki igeno kiptengeginik kole kobara; ago aruchini paornatosyeguk.

⁹⁶ Ki ageer ole poochitu kagesunatetapkei tugul, ago paraa ng'atuutyeng'ung'.

⁹⁷ Tya chamyet ne achame ng'atuutyeng'ung'! Nooto kabwaatennyu peetuut komugul.

⁹⁸ Ing'omita ng'atuutiguk asiir puunikyuk, amu mi kobooto kotugul.

⁹⁹ Atinye kaguiyet ne oo asiir kaneetikyuk tugul, amu kabwaatennyu paornatosyeguk.

¹⁰⁰ Aguitosi asiir poisyek, amu ki ariip kaneetisyosyeguk.

¹⁰¹ Ki aistoe keelyekyuk ooreet age tugul ne ya, si kobiit asup ng'olyoondeng'ung'.

¹⁰² Tom amaste abagaakte kirwoogutiguk, amu ki ineeta inyee.

¹⁰³ Anyinyen ne tya ng'aleeguk ye achamchami; anyinyen kosiir kumyat eng' kutinnyu!

¹⁰⁴ Anyooru kaguiyet eng' kaneetisyosyeguk; nooto aweche ooreet age tugul ne po lembech.

¹⁰⁵ Taitap keelyekyuk ng'olyoondeng'ung', ak lapkeiyetap ooreennyu.

¹⁰⁶ Ki ayosye ak ki agimiit nooto, ale asup kirwoogutiguk che po iman.

¹⁰⁷ Kinyalila miising'; isooba, ee Kamuktaindet ne Toroor, ko uu ng'olyoondeng'ung'.

¹⁰⁸ Asaain ale taach konunoigap kutinnyu, ee Kamuktaindet ne Toroor, ak ineeta kirwoogutiguk.

¹⁰⁹ Aiboti saboondanyu eng' eunnyu kotugul; ago ma utye ng'atuutyeng'ung'.

¹¹⁰ Kagochop mesteet kiptengeginik agobo anee; ago ma maste abagaakte kaneetisyosyeguk.

¹¹¹ Koanam paornatosyeguk koek poroteet ne po koigeny; amu chooto poiboiyetap muguleldanyu.

¹¹² Ki atokyi muguleldanyu ale ayai ng'atuutiguk, koigeny, agoi koit kagesunet.

¹¹³ Aweche icheek che po kabwaatutik aeng'; ago achame ng'atuutyeng'ung'.

¹¹⁴ Ii ole aung'egei ak ko ii long'ennyu: amang'u ng'olyoondeng'ung'.

¹¹⁵ Oba eng' ole ami, okweek yaigap yaityo; si kobiit ariip ng'atuutigap Kamuktaindennyu.

¹¹⁶ Tiia ko uu ng'olyoondeng'ung', si kobiit asap; amegoono alilan agobo kamang'unennyu.

¹¹⁷ Tiia, si ma ama kiy, ak atokyigei ng'atuutiguk kotugul.

¹¹⁸ Ki iwal koek puch icheek tugul che istoegei ng'atuutiguk; amu lembech ng'aalseennywa.

¹¹⁹ Iistoi ko uu pusagaryek kiptengeginik tugul che po ng'wony; achame anyun paornatosyeguk amu nooto.

¹²⁰ Potani poortanyu amu aiywein; ak aiywei kirwoogutiguk.

¹²¹ Ki ayai kirwooget ak imanda; amebagaakyo usiikyuk.

¹²² Egu ne tononjin kiboityondeng'ung' eng' ne myee; amat kousa menotik.

¹²³ Kaimenitu konyekyuk amu machei yetuneng'ung', ak ng'olyoondeng'ung' ne po iman.

¹²⁴ Yachi kiboityondeng'ung' ko uu rireeneng'ung', ak ineeta ng'atuutiguk.

¹²⁵ Aa kiboityondeng'ung', koono kaguiyet; si anai paornatosyeguk.

¹²⁶ Kagoit peetuut ne kanyool kobois Kamuktaindet ne Toroor; amu kagowal icheek ng'atuutyeng'ung' koek puch.

¹²⁷ Achame anyun ng'atuutiguk amu nooto kosiir thahabu, ee, kosiir thahabu che korooron.

¹²⁸ Eng' nooto anyun aiiti ale lititen kaneetisyosyeguk tugul agobo tuguuk tugul; ak aweche ooreet age tugul ne po lembech.

¹²⁹ Po kwong'eet paornatosyeguk; riibei anyun saboondanyu chooto amu nooto.

¹³⁰ Igoitoi lapkeiyet ng'ang'utyetap ng'aleeguk; igoochi kaguiyet che matinyei kiy.

¹³¹ Ki aseng'eng'e, ak asyeny; amu ki atinye emosto agobo ng'atuutiguk.

¹³² Iweekyage ak irireena, ko uu ye ki cham iyachini icheeget che chamei kaineng'ung'.

¹³³ Igimiit tyegutikyuk eng' ng'olyoondeng'ung'; amat koboiywa tengek age tugul.

¹³⁴ Ityacha eng' sastaet ne po chii, si asup anyun kaneetisyosyeguk.

¹³⁵ Ikweng'e kiboityondeng'ung' togeng'ung'; ak ineeta ng'atuutiguk.

¹³⁶ Isururunee peek che chaang' konyekyuk, amu ma isubi icheek ng'atuutyeng'ung'.

Ng'atuutyetap Kamuktaindet

¹³⁷ Ii po iman, inyee, ee Kamuktaindet ne Toroor, ak lititen kirwoogutiguk.

¹³⁸ Ki ing'at paornatosyeguk eng' imanda ak eng' lititindo ne oo.

¹³⁹ Ki kowong'wa kagiilennyu pogei, amu kigoutye puunikyuk ng'aleeguk.

¹⁴⁰ Tiliil miising' ng'olyoondeng'ung'; chamei kiboityondeng'ung' anyun amu nooto.

¹⁴¹ Aa nyeraat, ak aa sasaat; ago ma utye kaneetisyosyeguk.

¹⁴² Imandang'ung' ko imanda ne wendi agoi koigeny; ak imanda ng'atuutyeng'ung'.

¹⁴³ Kanama nyalilda ak pichiindo, ago poiboindanyu ng'atuutiguk.

¹⁴⁴ Po iman paornatosyeguk agoi; koono kaguiyet si asap.

Kesoom riipseet

¹⁴⁵ Ki aguurse eng' muguleldanyu komugul; wolwo, ee Kamuktaindet ne Toroor; ariibe ng'atuutiguk.

¹⁴⁶ Ki aguurin; sarwo anyun, si asup paornatosyeguk.

¹⁴⁷ Ki aguurin kotom koeech; ki amang'u ng'aleeguk.

¹⁴⁸ Asip agosu kota ko kemoi, si kobiit abwaat ng'olyoondeng'ung'.

¹⁴⁹ Kas kutinnyu ko uu chamyeng'ung' ne tala; isooba, ee Kamuktaindet ne Toroor, ko uu kirwoogutiguk.

¹⁵⁰ Karik icheek che isubi tengekto; ki kolooegitu eng' ng'atuutyeng'ung'.

¹⁵¹ Ii neegit inyee, ee Kamuktaindet ne Toroor; ak po iman ng'atuutiguk tugul.

¹⁵² Ki anai kobooch keny eng' paornatosyeguk, ale ki igimit kotebi icheek agoi.

Kesoom toretet

¹⁵³ Ibwaat nyalildanyu, ak isarwo; amu ma utye ng'atuutyeng'ung'.

¹⁵⁴ Ibesyeiwo ng'aleekyuk, ak ityaacha; isooba ko uu ng'olyoondeng'ung'.

¹⁵⁵ Loo yetunet eng' kiptengeginik; amu ma cheeng'ei icheek ng'atuutiguk.

¹⁵⁶ Eechen rireenosyeguk che po chamyet, ee Kamuktaindet ne Toroor; isooba ko uu kirwoogutiguk.

¹⁵⁷ Chaang' usiikyuk ak puunikyuk; ago tomo amaste eng' paornatosyeguk.

¹⁵⁸ Ki ageer che ng'aalsei, ak ki aaragen; amu ma isubi icheek ng'olyoondeng'ung'.

¹⁵⁹ Ibwaat ole achamdoi kaneetisyosyeguk; isooba ko uu chamyeng'ung' ne tala, ee Kamuktaindet ne Toroor.

¹⁶⁰ Po iman ng'aleeguk tugul ko kagiyomo; ak tebyei koigeny kirwoogeng'ung' age tugul ne po iman.

¹⁶¹ Kigoonata puch pounik; ago iywei muguleldanyu ng'aleeguk.

¹⁶² Abaibai eng' ng'olyoondeng'ung', ko uu ne nyooru tuguuk che luulei che chaang'.

¹⁶³ Aweche ak asase lembechek; ago achame ng'atuutyeng'ung'.

¹⁶⁴ Alasun konyil tisap eng' peetuut, amu kirwoogutiguk che po iman.

¹⁶⁵ Tinyei kaalyeet ne oo che chamei ng'atuutyeng'ung'; ama mi kiy ne inachi icheek.

¹⁶⁶ Ki amang'u yetuneng'ung', ee Kamuktaindet ne Toroor, ak ki ayai ng'atuutiguk.

¹⁶⁷ Kigosup saboondanyu paornatosyeguk; ak achame miising' kot.

¹⁶⁸ Ki asup kaneetisyosyeguk ak paornatosyeguk; amu mi taing'ung' ortinwekyuk tugul.

¹⁶⁹ Ingoriikyi taing'ung' riirekyuk ee Kamuktaindet ne Toroor: koono kaguiyet ko uu ng'olyoondeng'ung'.

¹⁷⁰ Ingonyo taing'ung' soomennyu; sarwo ko uu ng'olyoondeng'ung'.

¹⁷¹ Ingotwek kutinnyu komwa kalasunet; amu ineeta ng'atuutiguk.

¹⁷² Ingotyen ng'elyeptanyu agobo ng'olyoondeng'ung'; amu po iman ng'atuutiguk.

¹⁷³ Ingochobok eung'ung' kotoreta; amu ki alewen kaneetisyosyeguk.

¹⁷⁴ Ki koama emosto agobo yetuneng'ung', ee Kamuktaindet ne Toroor; ak poiboindanyu ng'atuutyeng'ung'.

¹⁷⁵ Ingosap saboondanyu, si kolasun; ak ingotoreta kirwoogutiguk.

¹⁷⁶ Ki abetote ko uu keechiiryet ne petoot; cheeng' kiboityondeng'ung'; amu ma utye ng'atuutiguk.