TIENWOGIKAL 113 - BUKUIT NE TILIIL Sireet ne Dutero Kanon

Toreti Kamuktaindet che ma tinye kiy

¹ Olasu Kamuktaindet ne Toroor! Olasu, okweek che oboisyechini Kamuktaindet ne Toroor, olasu kainetap Kamuktaindet ne Toroor.

² Iberuurot kainetap Kamuktaindet ne Toroor kobooch nguno agoi koigeny.

³ Kobooch ko kachor asiis agoi kororokto nyolu kilas kainetap Kamuktaindet ne Toroor.

⁴ Toroor Kamuktaindet ne Toroor eng' pororyosyek tugul, ak toroor etunatennyi kosiir kipsengwet.

⁵ Ng'oo ne kergei ak Kamuktaindet ne Toroor, Kamuktaindennyo? Tebee inee ole toroor,

⁶ keerei ng'wony keerei kipsengwet ak ng'wony?

⁷ Ing'eeti kibananiat komang'une temburyek, ak koganabune kapng'atat che ma tinyei kiy,

⁸ si kogoochi kotebi ak pounik, agot pounigap piikyik.

⁹ Igoochin ne soon koriip koot, ak koek kamet ne paibai ne po lagok. Olasu Kamuktaindet ne Toroor!