TIENWOGIKAL 110 - BUKUIT NE TILIIL Sireet ne Dutero Kanon

Katerteerisyet agobo Laitoryat

¹ Kaleenji `Kamuktaindet ne Toroor kiptaiyandennyu, “Tebee eunnyu ne po tai, agoi ayai puuniguk koek ng'echereetap keelyeguk.”

² Iyooktoi Kamuktaindet ne Toroor kirokto ne po kimnateng'ung' eng' Zion. Pou inyee eng' kwenutap puuniguk.

³ Chamdogei piiguk eng' peetuutap kimnateng'ung': eng' karaaranindap tiliilindo, ye machei koeech. Itinye rewootap ming'inateng'ung'.

⁴ Ki koyosyo Kamuktaindet ne Toroor, ama walei, kole, “Ii tisiindet koigeny ko uu kiit ne ki uu Melkisedek.”

⁵ Mi Kiptaiyat eung'ung' ne po tai; tuun tyechatyechi laitorinik eng' peetuutap nereegekyik.

⁶ Tuun irwookyin pororyosyek, inyiiti emotinwek muuswek. Tuun kwerei metowek eng' emotinwek che chaang'.

⁷ Eei ineendet peegap aineet eng' ooreet; yotei met anyun amu nooto.