TIENWOGIKAL 11 - BUKUIT NE TILIIL Sireet ne Dutero Kanon

Kamuktaindet ne Toroor ole mwechin piigap iman

Po ne oo eng' putiik. Tyendap Kalasunet ne po Daudi.

¹ Amang'u Kamuktaindet ne Toroor; teptoi ano si oleenji saboondanyu: “Tiriren ko uu toriityon agoi tuloonook,

² ogeero, kariich kwanget kiptengeginik; kagersach kipchabonikwak, si kobiit komwok ne po iman eng' ole imen.

³ Ngot keng'em lumeiywek, komuuchi koyai nee ne po imanda?”

⁴ Miitei Kamuktaindet ne Toroor hekalunnyi ne tiliil, miitei kipsengwet ng'echereetap laitornatet ne po Kamuktaindet ne Toroor. Toobeni konyekyik, keerei konyekyik weeriigap piik.

⁵ Tyemei Kamuktaindet ne Toroor chiitap imanda; ak wechei saboondanyi kiptengekyot ak ineendet ne chamei koroomnateet.

⁶ Robonjin `inee kiptengeginik ng'etetyotap maat ak tuguuk che laldos; egu `usoonet ne peelsei kebebertap kigombennywa.

⁷ Po imanda Kamuktaindet ne Toroor ak chamei imanda; keerei `che po iman togeennyi.