TIENWOGIKAL 101 - BUKUIT NE TILIIL Sireet ne Dutero Kanon

Kayomisetap Laitornatet kotononee imanit

¹ Atyeni agobo rireenet ak kirwooget, ee Kamuktaindet ne Toroor, atyenun kalasunoik.

² Atebye komyee eng' ng'omnateet eng' ooreet ne ititaat. Ee, inyonjino au? Awendotee muguleldo ne ititaat eng' koonnyu.

³ Mandoi anee taitap konyekyuk kiy age tugul ne ya. Aweche poisyetap icheeget che mastoi; ma nama nooto.

⁴ Istoenage muguleldo ne mastaat; ma mage kiy anai kiy age tugul ne ya.

⁵ Ang'eme age tugul ne chaamoti chiitap kokwennyu eng' ung'oot; ma muitochini menotyo, chiito ne meenei muguleldanyi.

⁶ Keerei konyekyuk piik che po iman eng' emet, si komeny icheek kobooton; ineendet ne wendoti eng' ooreet ne ititaat, koboisyeiwo nooto.

⁷ Ma menyei koonnyu ineendet ne yaei ng'aalseet; ma kimiitu eng' tainnyu ineendet ne mwaei lembech.

⁸ Ang'eme karonet age tugul kiptengeginik tugul che po emet; si kobiit aisto yaik tugul che po tengekto eng' nganaseetap Kamuktaindet ne Toroor.