TIENWOGIKAL 1 - BUKUIT NE TILIIL Sireet ne Dutero Kanon

BUKUIT NE TAI (TYENWOGIGAP KALASUNET 1-41) Ortinwek Aeng'

¹ Iberuurot chii ne ma namei ng'aleegap piik che yaacheen, ama tononee ooreetap kiptengeginik, ama tebee ng'echereetap saasiik.

² Ago paibaitune ng'atuutyetap Kamuktaindet ne Toroor; ak kobwaatoti ng'atuutyennyi peet ak kemoi.

³ Kergeitu ineendet ak keetit ne ki kiminji ole neegitee ainoosyek, ne yiei logoekyik eng' peetuusyekyik, ama restos sogekyik. Iberuurokse kiy age tugul ne yaei.

⁴ Ma uu nooto che yaacheen; ago kergei icheek ak meteteek che ibei usoonet.

⁵ Eng' nooto anyun ma tonondos che yaacheen eng' kirwooget, ama tonondos kiptengeginik eng' tuiyetap che po imanda.

⁶ Amu ingen Kamuktaindet ne Toroor ooreetap che po imanda; ago petei ooreetap kiptengeginik.