NEEMIA 7 - BUKUIT NE TILIIL Sireet ne Dutero Kanon

¹ Ye kingo kageteech irimeet ak ande kereiywegap kurgotik, koga kelewen riibiik, tyeniik ak Lawiik,

² alewen anyun tupchennyu Hanani ak Hananiah pounindetap irimeet koboi Jerusalem, amu ki chiito ne kiyani ak ki iywei Kamuktaindet kosiir che chaang'.

³ Ki aleenji icheek, “Amat keyat ormariichogap Jerusalem kot kong'wanit asiis. Ye ta kotonondos koriipsei, ko myee koger icheek ormariichok ak otemel ak olewen riibiik eng' piik che menyei Jerusalem, chii age tugul eng' riipsennyi, ak koriip chii age tugul ole tokyingei koonnyi.”

Kainaigap piik che ki week

⁴ Ki tebees anyun nganaseet ak ko paraa, ago king'ering' piik che ki mi oriit, ak ki tomo keteech kooriik.

⁵ Ki inde Kamuktaindennyo muguleldanyu ale ayum piik che taagunotiin ak pounik, kobooto piik, si kobiit ki it kobee tetuutigap ibinwek che ki kosiirto. Ki anyooru kitabuutap tetuutigap ibinwek che ki kosiirto ne po icheek che kisip kotogos, ak anyooru ko siraatiin eng' bukuinooto:

⁶ Chuuto piigap emet, che kiga kotogos kobunu ole kiga kiluulji. Chuuto che kiga luul Nebukadnezar laitoryatap Babilon, che ki week kobwa Jerusalem ak Judah, ko uu ye ki wo chii tugul nganasennyi:

⁷ che kigabwa kobooto Zerubabel ak Jeshua, Nehemiah, Azariah, Raamya, Nahamani, Mordekai, Bilsan, Misperet, Bigbai, Nehum ak Baanah. Koitetap murenigap piigap Israel:

⁸ lagogap Paros ko ki piik eliphuusyek aeng' ak pogol ak tamanwogik tisap ak aeng'.

⁹ Lagogap Shepatiah ko ki pogol somok ak tamanwogik tisap ak aeng'.

¹⁰ Lagogap Ara ko ki pogol lo ak konom ak aeng'.

¹¹ Lagogap Pahat-moap, eng' lagogap Jeshua ak Joab, ko ki eliphuusyek aeng' ak pogol sisiit ak taman ak sisiit.

¹² Lagogap Elam ko ki eliphuut agenge ak pogol aeng' ak konom ak ang'wan.

¹³ Lagogap Satu ko ki pogol sisiit ak artam ak muut.

¹⁴ Lagogap Sakai ko ki pogol tisap ak tamanwogik lo.

¹⁵ Lagogap Binui ko ki pogol lo ak artam ak sisiit.

¹⁶ Lagogap Bebai ko ki pogol lo ak tiptem ak sisiit.

¹⁷ Lagogap Askad ko ki eliphuusyek aeng' ak pogol somok ak tiptem ak aeng'.

¹⁸ Lagogap Adonikam ko ki pogol lo ak tamanwogik lo ak tisap.

¹⁹ Lagogap Bigbai ko ki eliphuusyek aeng' ak tamanwogik lo ak tisap.

²⁰ Lagogap Adin ko ki pogol lo ak konom ak muut.

²¹ Lagogap Ater, che po Hezekiah, ko ki tamanwogik sogool ak sisiit.

²² Lagogap Hasum ko ki pogol somok ak tiptem ak sisiit.

²³ Lagogap Besai ko ki pogol somok ak tiptem ak ang'wan.

²⁴ Lagogap Harip ko ki pogol ak taman ak aeng'.

²⁵ Lagogap Gibeon ko ki tamanwogik sogool ak muut.

²⁶ Piigap Bethlehem ak Netopa ko ki pogol ak tamanwogik sisiit ak sisiit.

²⁷ Piigap Anatoth ko ki pogol ak tiptem ak sisiit.

²⁸ Piigap Bet-asmabet ko ki artam ak aeng'.

²⁹ Piigap Kiriath-Jearim, Kepira ak Beerot ko ki pogol tisap ak artam ak somok.

³⁰ Lagogap Ramah ak Geba ko ki pogol lo ak tiptem ak agenge.

³¹ Piigap Mikmas ko ki pogol ak tiptem ak aeng'.

³² Piigap Bethel ak Ai ko ki pogol ak tiptem ak somok.

³³ Piigap Nebo age ko ki konom ak aeng'.

³⁴ Lagogap Elam age ko ki eliphuut agenge ak pogol aeng' ak konom ak ang'wan.

³⁵ Lagogap Harim ko ki pogol somok ak tiptem.

³⁶ Lagogap Jeriko ko ki pogol somok ak artam ak muut.

³⁷ Lagogap Lod, Hadid, ak Ono, ko ki pogol tisap ak tiptem ak agenge.

³⁸ Lagogap Senaa ko ki eliphuusyek somok ak pogol sogool ak sosom.

³⁹ Tisiik: lagogap Jedaiah, che po kootap Jeshua, ko ki pogol sogool ak tamanwogik tisap ak somok.

⁴⁰ Lagogap Imer ko ki piik eliphuut agenge ak konom ak aeng'.

⁴¹ Lagogap Pasur ko ki eliphuut agenge ak pogol aeng' ak artam ak tisap.

⁴² Lagogap Harim ko ki eliphuut agenge ak taman ak tisap.

⁴³ Lawiik: lagogap Jeshua, che po Kadmiel, eng' lagogap Odeba ko ki tamanwogik tisap ak ang'wan.

⁴⁴ Tyeniik: lagogap Asaph ko ki pogol ak artam ak sisiit.

⁴⁵ Riibiigap kurgotik: lagogap Shallum, lagogap Ater, lagogap Talmon, lagogap Akub, lagogap Hatita, lagogap Sobai, ko ki pogol ak sosom ak sisiit.

⁴⁶ Otwogigap Hekaluut: lagogap Siha, lagogap Hasupa, lagogap Tabaot;

⁴⁷ lagogap Keros, lagogap Sia, lagogap Padon;

⁴⁸ lagogap Lebana, lagogap Hagaba, lagogap Salmai;

⁴⁹ lagogap Hanan, lagogap Gidel, lagogap Gahar;

⁵⁰ lagogap Reaiah, lagogap Rezin, lagogap Nekoda;

⁵¹ lagogap Gasam, lagogap Uzzah, lagogap Pasea;

⁵² lagogap Besai, lagogap Meunik, lagogap Neprusesik;

⁵³ lagogap Bakbuk, lagogap Hakupa, lagogap Harur;

⁵⁴ lagogap Baslit, lagogap Meida, lagogap Harsa;

⁵⁵ lagogap Barkos, lagogap Sisera, lagogap Tema;

⁵⁶ lagogap Nesia, ak lagogap Hatipa.

⁵⁷ Lagogap otwogigap Solomon: lagogap Sotai, lagogap Soperet, lagogap Perida;

⁵⁸ lagogap Jaala, lagogap Darkon, lagogap Gidel;

⁵⁹ lagogap Shepatiah, lagogap Hatil, lagogap Pokereth-hasebaim ak lagogap Ammon.

⁶⁰ Otwogigap Hekaluut tugul ak lagogap otwogigap Solomon, ko ki ek pogol somok ak tamanwogik sogool ak aeng'.

⁶¹ Chu anyun che ki togos eng' Tel-mela, Tel-harsa, Kerub, Adon ak Imer; ago ki ma imuuch koboor kooriigap kwanisyekwak anan iyotennywa, ngo ki po Israel:

⁶² lagogap Delaiah, lagogap Tobia, lagogap Nekoda, ko ki pogol lo ak artam ak aeng'.

⁶³ Ak eng' tisiik: lagogap Hobaia, lagogap Hakos, lagogap Barsilai, ne ki itun chepto age eng' tiibiigap Barsilai Gileadindet ak ki kimwaitae kainennywa.

⁶⁴ Ki cheeng' chuuto kiit ne ki kisirchi kainaikwak, kobee tetuutigap ibinwek che ki kosiirto, ago ki ma nyoor: amu nooto anyun ki kiit keele ng'woneen ak ki kiistoe tiseinateet.

⁶⁵ Ki ng'at `Tirsata icheek kole manyolji koam tuguuk che tiliileen miising', kot kobiit tisiindet ne tinyei Urim ak Tumim.

⁶⁶ Ki ek tuiyet tugul eliphuusyek artam ak aeng' ak pogol somok ak tamanwogik lo,

⁶⁷ koma pooto otwogikwak che murenik ak che tiibiik, ki ek chooto eliphuusyek tisap ak pogol somok ak sosom ak tisap. Ki tinyei tyeniik che murenik ak kwonyiik pogol aeng' ak artam ak muut.

⁶⁸ Paraisisyekwak ko ki pogol tisap ak sosom ak lo, nyumbokwak ko ki pogol aeng' ak artam ak muut,

⁶⁹ tambeesik ko ki pogol ang'wan ak sosom ak muut ak sigiroik ko ki eliphuusyek lo ak pogol tisap ak tiptem.

⁷⁰ Kigon alak eng' kandoigap kooriigap kwanisyek tuguugap poisyet. Kigon `Tirsata keruutik sisiit che po thahabu, taabook konom, ngoroigap tisiik pogol muut ak sosom, keip koba ole kigonoree tuguuk.

⁷¹ Ak kigon kandoik alak che po kooriigap kwanisyek Keruutik pogol agenge ak tamanwogik lo ak sisiit che po thahabu ak keruutik eliphuut agenge pogol aeng' ak konom che po fedha, keip koba ole kigonoree tuguuk che po poisyet.

⁷² Konunoigap piik tugul ko ki keruutik pogol agenge ak tamanwogik lo ak sisiit che po thahabu, ak keruutik pogol agenge ak artam che po fedha ak ngoroik tamanwogik lo ak tisap che po tisiik.

⁷³ Ki meny anyun nganasookwak tisiik, Lawiik, riibiigap kurgotik, tyeniik, piik alak, otwogigap Hekaluut ak Israel tugul. Kingo it arawet ne po tisap, ko ki mi piigap Israel nganasookwak.