MALAKI 4 - BUKUIT NE TILIIL Sireet ne Dutero Kanon

Peetuut ne oo ne po Kamuktaindet ne Toroor

¹ Mwaei Kamuktaindet ne Toroor ne po lugoosyek kole, “Ogeero, nyoonei peetuut ne lalei ko uu maat ne oo, ak igeitu mobeek menotik tugul, kobooto icheek tugul che yaei tengekto. Ak peelei icheek peetuut ne nyoonei kot ko ma ng'etyi tigityot anan ko mornet.

² Ago okweek che oiywei kainennyu kochorchinok asiista ne po imanda ne ting'ee kanyaiset kebebaikyik; ak omande, ourerenote ko uu moek che kagiyaat.

³ Ak otyech kiptengeginik; amu egu oreek eng' keldebesaigap keelyekwok eng' peetuut ne ayae niito, mwaei Kamuktaindet ne Toroor ne po lugoosyek.

⁴ “Obwaat Ng'atuutyetap otwogindennyu Musa ne ki ang'at eng' Horeb, agoochi ng'atuutik ak kirwoogutik agobo Israel komugul.

⁵ “Ogeero, ayookwok maotyot Elijah kotom konyo peetuut ne oo, ne koroom ne po Kamuktaindet ne Toroor.

⁶ Weechei `inee mugulelwegap kwanisyek kotokyigei lagokwak, ak koweech mugulelwegap lagok kotokyigei kwanisyekwak; si ma nyo abire ng'wonyuni chubisyet.”