KALEWANAIK 13 - BUKUIT NE TILIIL Sireet ne Dutero Kanon

¹ Epchin iit weeriit ne utaat katigonetap kwandanyi, ago ma kasei kereetap kong' chotindet.

² Amei chiito ne myee eng' logoegap kutinnyi, ago amei koroomnateet saboondo ne yaei kaberberisyet.

³ Riibei saboondanyi ne riibei kutinnyi, ago nyooru ng'emisyet ne yaatei kutinnyi miising'.

⁴ Tinyei mageet saboondap ne choriren, ak ma nyooru kiy, ago nerei saboondap ne igiilegei.

⁵ Wechei chiito ne po iman lembechek, ago samisitu chiito ne ya ak konyooru teweernateet.

⁶ Imanda koriibei ineendet ne litit eng' ooreet, ago igabui yaityet kiptengekyot.

⁷ Mi ne yaegei koek mogoryo, ago ma tinyei kiy, ak mi ne yaegei koek kibanania, ago tinyei mogornateet ne oo.

⁸ Kityage saboondap chii mogornatosyekyik, ago ma kasei kibananook kamuiset.

⁹ Iluu miising' lapkeiyetap che po iman, ago kimisi taitap kiptengeginik.

¹⁰ Ibu `menoteet pooryeet kityo, ago mi utaatyet kobooto icheek che ng'ategei.

¹¹ Ichuchugaksei mogornateet ne ki kinyooru eng' menoteet, ago tesoksei che po chiito ne iyumi ko tutigin.

¹² Myani muguleldo eng' kamang'unet ne igaegei, ago ye isulda ma konato koek keetitap saboondo.

¹³ Age tugul ne sasei ng'olyoot koipchingei ng'emisyet, ago kigoochin melekto chiito ne iywei kayomiset.

¹⁴ Kondametutap saboon kaneetutigap che utaatiin, imuktachin chii koistoegei mestonogap meet.

¹⁵ Ibu chameet naet ne myee, ago uui ooreetap kaberberik.

¹⁶ Poisyee naet chiito age tugul ne ng'oom: ago iseeri ne perber perberyo.

¹⁷ Ibu kaimutyet kayooktoindo ne ya, ago egu chametapkei tononjinindet ne kiyani.

¹⁸ Nyooru pananda ak teweernateet ineendet ne eesyoi katigonet, ago nyooru teegisto ineendet ne epchin iit kereetap kong'.

¹⁹ Anyiny eng' saboondo mageet ne isuldaat, ago wechei che perber ngo istoegei yaitwogik.

²⁰ Obendate ak piik che utaatiin asi iegu ne utaat, ago nyooru nyalilda chiito ne pendoti ak che perber.

²¹ Isubi `yaityet kiptengeginik, ago kigeerchin che po iman myeeindo.

²² Pagaakyin `chiito ne myee tuguukyik mochogoronikyik, ak kigonorchin chiitap iman mogornateetap kiptengekyot.

²³ Mi amitwogik che chaang' eng' kabatisyetap kibananook, ago mi ne keng'emei amu ma mi imanda.

²⁴ Wechei weeriinnyi ne ma pirei, ago ineendet ne chamei weeriinnyi kotigoni ko uu ye nyolu.

²⁵ Amei ne po iman kot kobiyo saboondanyi; ago ma nyooru kiptengeginik che yamei.