ISAIAH 12 - BUKUIT NE TILIIL Sireet ne Dutero Kanon

Tyenwogigap kongoi

¹ Eng' peetuunooto imwae ile, “Aweegun kongoi, ee Kamuktaindet ne Toroor; agot nganda ki inereekyo, ko kageisto nereegeguk, ak igoigoa.

² Ogeero, Kamuktaindet ko yetunennyu; amang'u, ama aiyweisyei, amu Kamuktaindet ko kimnateennyu ak ko tyendanyu; kagoek ineendet yetunennyu.”

³ Tuun orame anyun peek eng' poiboiyet, eng' keriingonik che po yetunet.

⁴ Omwae eng' peetuunooto ole: “Oweekyi Kamuktaindet ne Toroor kongoi, oguur kainennyi, omwaite poisyonikyik eng' pororyosyek, omwa ole kagotororit kainennyi.

⁵ Otyenji Kamuktaindet ne Toroor, amu ki koyai tuguuk che po telunateet; ingonaak niito eng' ng'wony komugul.

⁶ Owaach miising' ak otyense, inyee ne imenye Zion, amu oo Ineendet ne Tiliil ne po Israel eng' kwenung'ung'.”