1 ATEPTAP PEETUUSYEK 8 - BUKUIT NE TILIIL Sireet ne Dutero Kanon

Ooreetap Benjamin

¹ Ki sich `Benjamin Bela taaitanyi, ne po aeng' ko Asbel, ne po somok ko Ahara,

² ne po ang'wan ko Noha ak ne po muut ko Rapa.

³ Ki sich `Bela weeriik; Adar, Gera ak Abiud,

⁴ Abisua, Naaman, Ahoa,

⁵ Gera, Sepupan ak Huram.

⁶ Chu ko weeriigap Ehud; chu ko kandoigap kooriigap kwanisyek che po che ki menyei Geba, ak kiluul icheek koba Manahat:

⁷ Naaman, Ahija, ak Gera nooto sigiindetap Uzzah ak Aihud.

⁸ Ki sich `Saaraim lagok eng' emetap Moab, ye kingo kagoon kwonyiikyik Husim ak Baara.

⁹ Kisige osotyonnyi Hodes, Jobap, Sibia, Mesha, Malkam,

¹⁰ Jeush, Sakia ak Mirma. Chuuto ko ki weeriikyik, kandoigap kooriigap kwanisyek.

¹¹ Ak ki sigee `Husim Abitub ak Elpaal.

¹² Weeriigap Elpaal ko ki: Eber, Misam, ak Semed, ne ki teech Ono ak Lod, kobooto nganasookwak.

Ooreetap Benjamin che ki menyei Aijalon

¹³ Beriah ak Shema, che ki kandoigap kooriigap kwanisyek che po piik che ki menyei Aijalon, che ki oon piik che ki menyei Gath.

¹⁴ Ahio, Sasak, Jeremot,

¹⁵ Sebadia, Arad, Eder,

¹⁶ Mikael, Ispa ak Joha, ko ki weeriigap Beriah.

¹⁷ Sebadia, Mesulam, Hiski, Heber,

¹⁸ Ismerai, Islia ak Jobap, ko ki weeriigap Elpaal.

¹⁹ Jakim, Zikri, Sabdi,

²⁰ Elienai, Siletai, Eliel,

²¹ Adaiah, Beraia ak Simrat ko ki weeriigap Shimei.

²² Ispan, Eber, Eliel,

²³ Abdon, Zikri, Hanan,

²⁴ Hananiah, Elam, Anthothia,

²⁵ Ipdeia ak Penuel ko ki weeriigap Sasak.

²⁶ Samserai, Searia, Athaliah,

²⁷ Jaaresia, Elijah ak Zikri ko ki weeriigap Jeroham.

²⁸ Chuuto ko ki kandoigap kooriigap kwanisyek eng' ibinwekwak, piik che eecheen, ak ki menye icheek Jerusalem.

Che ki menyei Jerusalem

²⁹ Ki menyei Gibeon kwandap Gibeon, Jeiel, ne ki kainetap kwondonyi ko ki Maaka,

³⁰ taaitanyi ko ki Abdon, korup Sur, Kish, Baal, Nadap,

³¹ Gedor, Ahio ak Seker.

³² Ak ki sich `Miklot Simea. Ak ki menyei ak icheek ak tupchosyekwak Jerusalem, kotokyindos ak tupchosyekwak.

Saulo ak piigap koonnyi

³³ Ki sich `Ner Kish, ki sich `Kish Saulo, ak ki sich `Saulo Jonathan, Malki-sua, Abinadab, ak Esbaal.

³⁴ Weeriitap Jonathan ko ki Meri-baal, ak ki sich `Meri-baal Mikah.

³⁵ Weeriigap Mikah ko ki: Piton, Melek, Tatea ak Ahaz.

³⁶ Ki sich `Ahaz Jehoada, ki sich `Jehoada Alemet, Asmabet, ak Shimri, ak ki sich `Shimri Motsa.

³⁷ Ki sich `Motsa Benea; Rapa ko ki weeriinnyi, Eleasa weeriinnyi, ak Asel weeriinnyi.

³⁸ Ki sich `Asel weeriik lo, che kainaikwak ko chu: Asrikam, Bokeru, Ishmael, Searia, Obadiah ak Hanan. Chuuto tugul ko ki weeriigap Asel.

³⁹ Weeriigap Esek ng'et kamet ko ki: Ulam taaitanyi, ne po aeng' ko ki Jeush ak ne po somok ko ki Eliphelet.

⁴⁰ Weeriigap Ulam ko ki piik che kiimeen che nyigoonen ak ki mwogik. Ki tinyei weeriik che chaang', ak weeriigap weeriik, tugul ko ki pogol ak konom. Chuuto tugul ko ki po weeriigap Benjamin.