1 ATEPTAP PEETUUSYEK 4 - BUKUIT NE TILIIL Sireet ne Dutero Kanon

Weeriigap Judah

¹ Weeriigap Judah ko ki: Peres, Hesnon, Karmi, Hur ak Shobal.

² Ki sich Reaiah weeriitap Shobal, Jahat, ak kisich Jahat Aumai ak Lahad. Chuuto ko ortinwegap Zoratik.

³ Chu ko ki weeriigap kwandap Etam: Jezreel, Ishma ak Idbas. Ki kiguure chepkamennywa Hasalelponi.

⁴ Penuel ko ki kwandap Gedor, ak Eser ko kwandap Hushah. Chu ko ki weeriigap Hur, taitap Ephratah, kwandap Bethlehem.

⁵ Ki tinyei osotik aeng' Ashur kwandap Tekoa, chooto ko Helah ak Naarah.

⁶ Ki sikyi ineendet Naarah Ausam, Epher, Temeni, ak Hastari. Chu ko ki weeriigap Naarah.

⁷ Chu weeriigap Helah, Zereth, Itshar ak Ethnan.

⁸ Ki sich `Hakos Anub ak Sobeba, ak ortinwegap Aharel weeriitap Harum.

⁹ Kigonyitot Jabes kosiir tupchosyekyik. Kiguure kamennyi ineendet Jabes, kole, “Amu ki asich ineendet eng' arageneet.”

¹⁰ Ki kuur Jabes Kiptaiyat Kamuktaindetap Israel, koleenji, “Myee iberuuro iman ak ites kiwotennyu, ingotebi eung'ung' kobooto, ak iriibo eng' yaityet, si ma aorogen! Ak ki igoochi `Kamuktaindet ineendet tuguuk che kiga soom.”

Piik alak

¹¹ Ki sich Kelub ng'eetap kametap Sua, Meir, ne ki kwandap Eston.

¹² Ki sich Eston Beth-rapa, Pasea, ak Teina kwandap Irnaas. Chooto ko piigap Reka.

¹³ Chu weeriigap Kenas: Othniel ak Seraiah. Weeriigap Othniel ko ki: Hatat ak Meonotai.

¹⁴ Ki sich Meonotai Ophrah. Ak kisich Seraiah Joab kwandap Ge-arasik. Ki kiguure kainani amu piikyik ko ki musogik.

¹⁵ Weeriigap Kaleb weeriitap Jepune ko ki: Iru, Elah ak Naam. Weeriitap Elah ko Kenas.

¹⁶ Chu weeriigap Jehallelel: Ziph, Sipa, Tiria ak Asarel.

¹⁷ Ak weeriigap Ezrah ko ki: Jeter, Mered, Epher ak Jalon. Ki sich Miriam, Samai ak Isba kwandap Estemoa.

¹⁸ Ki sich osotyonnyi chepyahudyot Jered kwandap Gedor, Heber kwandap Soko, ak Jekutiel kwandap Sanoa. Chu weeriigap Bitia cheptap Pharaoh, ne ki itun Mered.

¹⁹ Weeriigap osotyotap Hodia, chepkametap Naham, ko ki kwandap Keila Garmindet, ak Estemoa Maakatindet.

²⁰ Weeriigap Shimon ko ki: Amnon, Rina, Ben-Hanan ak Tilon. Ak weeriigap Isi ko ki: Sohet ak Ben-Sohet.

Weeriigap Shela

²¹ Weeriigap Shela weeriitap Judah ko ki: Er kwandap Leka, Laada kwandap Maresha ak ortinwegap kootap icheeget che kinabei katanit ne karaaran, che po kootap Asbea,

²² kobooto Jokim, ak murenigap Koseba, Joash, ak Sarap, ne ki pou Moab ak Jasubi-lehem. (Ak po keny ng'aleechuuto ki kisir.)

²³ Chu ko ki cheptereninik che ki menyei Netaim ak Gedera. Kimeng'iisye kobooto laitoryat koboisyechin.

Weeriigap Simion

²⁴ Weeriigap Simion ko ki: Nemuel, Jamin, Jarib, Zerah ak Shaul;

²⁵ Shallum weeriinnyi, Mibsam weeriinnyi ak Misma weeriinnyi.

²⁶ Chu weeriigap Misma: Hamuel weeriinnyi, Sakur weeriinnyi ak Shimei weeriinnyi.

²⁷ Ki sich Shimei weeriik taman ak lo ak tiibiik lo, ago ki ma kotinyei tupchosyekyik lagok che chaang', amatesak ooreenywa ko uu lagogap Judah.

²⁸ Ki meny Beer-sheba, Molada, ak Hasarsual,

²⁹ Bila, Esem, ak Tolad,

³⁰ Bethuel, Horma, Ziklag,

³¹ Beth-markabot, Hasar-susim, Beth-biri ak Saaraim. Chuuto nganasookwak agoi laitornatetap Daudi.

³² Nganasokwak che mengeechen ko ki Etam, Ain, Rimon, Token ak Asan, muut tugul,

³³ kobooto nganasookwak tugul che mengeechen che kigayiem nganasochooto agoi Baal. Chu ko ki komoswekwak che ki menyei, ak ki tinyei tetuutigap ibinwekwak che ki kosiirto.

³⁴ Mesobap, Jamlek, Josa weeriitap Amasia,

³⁵ Joel, Jehu weeriitap Josibia, weeriitap Seraiah, weeriitap Asyel,

³⁶ Elioenai, Jaakoba, Jesohaia, Asaiah, Adiel, Jesimiel, Benaiah,

³⁷ Shisha weeriitap Sipi, weeriitap Alon, weeriitap Jedaiah, weeriitap Shimri, weeriitap Semaiah.

³⁸ Chuuto kagimwa kainaikwak ko ki pounik eng' ortinwekwak. Kitesagis miising' kooriigap kwanisyekwak.

³⁹ Ki pa kot koit ye kimandoe kebendi Gedor, agoi komostap kong'asiis ne po atebweet, kocheeng'jinoti keechiirekwak ole agete.

⁴⁰ Ki nyoor ole pitat, ak ko myee, ak ki paraa emet, ole siisaat ak kotinyei kaalyeet. Ki menyei olooto piigap Ham piik eng' tai.

⁴¹ Ki pwa eng' peetuusyegap Hezekiah laitoryatap Judah chuuto ki kisir kainaikwak, ak kobar kooriikwak, kobooto Meunik che ki nyoorchi olooto, ak kobar icheek kogees agoi ra. Ki meny olooto kogeer icheek, amu kimi olooto ole agete keechiirekwak.

⁴² Ki pa alak eng' icheek tulweetap Seir, weeriigap Simion, piik pogol muut, che kiptainikwak ko ki Pelatiah, Neariah, Repaiah ak Uzziel, weeriigap Isi.

⁴³ Ki par Amelegik che kiga ng'et che kichililso, ak komeny olooto agoi ra.