1 ATEPTAP PEETUUSYEK 3 - BUKUIT NE TILIIL Sireet ne Dutero Kanon

Weeriigap Daudi

¹ Chu anyun ko ki weeriigap Daudi, che ki kisikyi ineendet eng' Hebron: Taita ko ki Amnon, ne ki sich `Ainoam Jesreelindet, ne po aeng' ko ki Daniel, ne ki sich `Abigail Chepkarmelyot,

² ne po somok ko ki Absalom, weeriitap Maaka cheptap Talmai laitoryatap Gesur; ne po ang'wan ko ki Adonijah, weeriitap Haggith;

³ ne po muut ko ki Shepatiah, weeriitap Abital; ne po lo ko ki Itream ne kisichei Eglah osotyonnyi.

⁴ Ki kisikyi chuuto lo Daudi eng' Hebron, ole ki laitorane eng' kenyiisyek tisap ak arawek lo. Ki laitoran eng' Jerusalem kenyiisyek sosom ak somok.

⁵ Ki kisikyi chu ineendet eng' Jerusalem: Simea, Sobap, Nathan ak Solomon. Chuuto ang'wan che kisichei Bat-sua cheptap Amiel.

⁶ Ne siirei chuuto ko ki mi Ibar, Elisama ak Eliphelet,

⁷ Noga, Nepeg ak Japia,

⁸ Elisama, Eliada, ak Eliphelet, chuuto sogool.

⁹ Chuuto tugul ko ki weeriigap Daudi, koma pooto weeriigap chebaigeinik. Ak ki chepkamennywa ko Tamar.

Laitorinigap Judah

¹⁰ Weeriitap Solomon ko ki Rehoboam, Abijah weeriinnyi, Asa weeriinnyi, Jehoshaphat weeriinnyi,

¹¹ Joram weeriinnyi, Ahasia weeriinnyi, Joash weeriinnyi,

¹² Amasia weeriinnyi, Azariah weeriinnyi, Jotham weeriinnyi,

¹³ Ahaz weeriinnyi, Hezekiah weeriinnyi, Manasseh weeriinnyi,

¹⁴ Ammon weeriinnyi, Josiah weeriinnyi.

¹⁵ Weeriigap Josiah ko ki: Taita ko ki Johanan, ne po aeng' ko ki Jehoiakim, ne po somok ko ki Zedekiah, ne po ang'wan ko ki Shallum.

¹⁶ Weeriigap Jehoiakim ko ki: Jekoniah weeriinnyi, ak Zedekiah weeriinnyi.

¹⁷ Weeriigap Jekoniah luulenet ko ki: Shealtiel weeriinnyi,

¹⁸ Malkiram, Pedaiah, Senasar, Jekamyah, Hoshama ak Nedabiah.

¹⁹ Weeriigap Pedaiah ko ki: Zerubabel ak Shimei. Weeriigap Zerubabel ko ki: Mesulam ak Hananiah. Selomit ko ki chepkamennywa.

²⁰ Chuuto alak muut ko Hasubah, Ohel, Berekiah, Hasadiah ak Jusab-hesed.

²¹ Weeriigap Hananiah ko ki: Pelatiah ak Jesaia, weeriigap Repaiah, weeriigap Arnan, weeriigap Obadiah, weeriigap Shekaneiah.

²² Weeriigap Shekaneiah ko ki: Semaiah ak weeriikyik: Hatus, Igal, Bariah, Neariah, ak Sapat, piik lo.

²³ Chu weeriigap Neariah: Elioenai, Hiskiah ak Asrikam, piik somok.

²⁴ Ak chu weeriigap Elioenai: Hodabiah, Eliasib, Pelaiah, Akub, Johanan, Delaiah ak Anani, piik tisap.