1 ATEPTAP PEETUUSYEK 27 - BUKUIT NE TILIIL Sireet ne Dutero Kanon

Pcheutigap lugeet

¹ Ki ek piigap Israel, ko uu koiitennywa, kandoigap kooriigap kwanisyek ak kiptainigap eliphuusyek, che po pogolwogik, kiptainikwak che kiboisyechin laitoryat, eng' ng'olyoot age tugul ne po riipsosyek che kibwanei ak kobendi eng' arawet age tugul ne po kenyiit tugul, ko ki piik eliphuusyek tiptem ak ang'wan che po riipseet age tugul.

² Ki pou riipseet ne po tai ne po arawet ne po tai Jasobeam weeriitap Sabdiel. Ki mi riipsennyi piik eliphuusyek tiptemu ak ang'wan.

³ Ki po lagogap Peres, ne oo eng' kiptainik tugul che po lugeet ne po arawet ne po tai.

⁴ Ki pou riipseet ne po arawet ne po aeng' Dodai Ahoindet, ak riipsennyi; ak ki Miklot pounindet. Ki tinyei piik eliphuusyek tiptem ak ang'wan eng' riipsennyi.

⁵ Ki kiptaiyat ne po somok ne po lugeet eng' arawetap somok ko Benaiah, weeriitap Jehoiada, tisiindet ne oo. Ki tinyei piik eliphuusyek tiptem ak ang'wan eng' riipsennyi.

⁶ Benaia-ini ko ki chiito ne nyigan eng' piik sosom, ak ki pou pichooto sosom. Ki mi eng' riipsennyi weeriinnyi Amisabad.

⁷ Ki Asahel ng'eetap kametap Joab kiptaiyat ne po ang'wan eng' arawet ne po ang'wan, ak kirubei ineendet Sebadia weeriinnyi. Ki tinyei eng' riipsennyi piik eliphuusyek tiptem ak ang'wan.

⁸ Ki Samut Israindet kiptaiyat ne po muut eng' arawetap muut. Ki tinyei eng' riipsennyi piik eliphuusyek tiptem ak ang'wan.

⁹ Ki Ira weeriitap Ikes Tekoindet kiptaiyat ne po lo eng' arawet ne po lo. Ki tinyei piik eng' riipsennyi eliphuusyek tiptem ak ang'wan.

¹⁰ Ki Heles Pelonindet, ne po weeriigap Ephraim, kiptaiyat ne po tisap eng' arawet ne po tisap. Ki tinyei eng' riipsennyi piik eliphuusyek tiptem ak ang'wan.

¹¹ Ki Sibekai Husatindet ne po Seraik, kiptaiyat ne po sisiit eng' arawet ne po sisiit. Ki tinyei eng' riipsennyi piik eliphuusyek tiptem ak ang'wan.

¹² Ki Abiezer Anatotindet ne po Benjaminik, kiptaiyat ne po sogool eng' arawetap sogool. Ki tinyei eng' riipsennyi piik eliphuusyek tiptem ak ang'wan.

¹³ Ki Maarai Netopatindet ne po Seraik, kiptaiyat ne po taman eng' arawet ne po taman. Ki tinyei eng' riipsennyi piik eliphuusyek tiptem ak ang'wan.

¹⁴ Ki Benaiah Piratonindet ne po lagogap Ephraim, kiptaiyat ne po taman ak agenge eng' arawetap taman ak agenge. Ki tinyei eng' riipsennyi piik eliphuusyek tiptem ak ang'wan.

¹⁵ Ki Heldai Netopatindet ne po Othniel kiptaiyat ne po taman ak aeng' eng' arawetap taman ak aeng'. Ki tinyei eng' riipsennyi piik eliphuusyek tiptem ak ang'wan.

Kandoigap ortinwegap Israel

¹⁶ Ki chu pounigap pororyosyegap Israel: ki Elieser weeriitap Zikri ne po piigap Reuben; eng' piigap Simion, ko ki Shepatiah weeriitap Maaka;

¹⁷ eng' kap Lawi, ko ki Asabia weeriitap Kemuel; eng' kap Aron, ko ki Zadok,

¹⁸ eng' kap Judah, ko ki Elihu, age eng' tupchosyegap Daudi; eng' kap Issakar, ko ki Omri weeriitap Mikael;

¹⁹ eng' kap Zebulun, ko ki Ismaia weeriitap Obadiah; eng' kap Naptali, ko ki Jeremot weeriitap Asriel;

²⁰ eng' lagogap Ephraim ko ki Hoshea weeriitap Azaziah; eng' kebebertap pororyetap Manasseh, ko ki Joel weeriitap Pedaiah;

²¹ eng' kebebertap pororyetap Manasseh, eng' Gilead, ko ki Ido weeriitap Zekariah; eng' kap Benjamin, ko ki Jaasyel weeriitap Abner;

²² eng' kap Dan, ko ki Asarel weeriitap Jeroham. Chuuto ko ki kiptainigap pororyosyegap Israel.

²³ Ago ki ma iit Daudi che po kenyiisyek tiptem ak koba ng'wony, amu ki kamwa Kamuktaindet ne Toroor kole atese Israel kotenit kecheigap kipsengwet.

²⁴ Ki toi Joab weeriitap Zeruiah koiit, ago ma iges; ki piit nereegek eng' Israel agobo koitoniito, ama ki sirchi koitonooto teteetap ateptap peetuusyek ne po Laitoryat Daudi.

Pounigap mogornateetap laitoryat

²⁵ Ki pou ole kigonoree tuguugap laitoryat Asmabet weeriitap Adiel. Ki pou Jonathan weeriitap Uzziah ole kigonoree tuguugap mbareenik, eng' nganasook, eng' nganasook che mengeechen ak eng' irimosyek.

²⁶ Ki pou Isri weeriitap Kelub icheek che kiyaei poisyetap mbar, ne po kabatisyetap emet.

²⁷ Ki pou Shimei Ramatindet mbareenigap sabibuk. Ki pou Sabdi Sipmindet ruroteetap mbareenigap sabibuk che ki konori.

²⁸ Ki pou Baal-hanan Gederindet keetiigap mseituni ak mogoonik che ki mi emet ne soi. Ki pou Joash ole kigonoree mwanik.

²⁹ Ki pou Sitrai Sharonindet akwotisyek che ki agetoos eng' Sharon. Ki pou Sapat weeriitap Adlai akwotisyek che ki mi atebwosyek.

³⁰ Ki pou Obil Ismaelindet tambeesik, ak ki pou Jedeia Meronotindet sigiroik.

³¹ Ki pou Jasiis Hagrindet akwotisyegap keechiirek. Chuuto tugul ko ki pounigap tuguugap Laitoryat Daudi.

³² Ki kirwoogindet Jonathan weeriitap ng'eetap kametap Daudi, ki chiito ne iguitos tugun ak ko siriindet. Ki mi Jehiel weeriitap Akmoni kobooto weeriigap laitoryat.

³³ Ki kirwoogindet Ahitopel ne po kaplaitoryat. Ki chorweetap laitoryat, Hisai Arkindet.

³⁴ Ki rubei Jehoiada weeriitap Benaiah ak Abiathar, Ahitopel. Ki kiptaiyatap lugeetap laitoryat Joab.