1 ATEPTAP PEETUUSYEK 25 - BUKUIT NE TILIIL Sireet ne Dutero Kanon

Tyeniik eng' Hekaluut

¹ Ki itabaan kogeny Daudi ak kiptainigap lugeet alak eng' weeriigap Asaph, che po Herman, ak che po Jeduthun, kotaabanji poisyet, si komaotenso eng' ketubosyek, kibugandinik ak sanisyek che po sugunonik che kibirei. Koitetap icheeget che kiyaei poisyet ko uu otisyennywa ko:

² Che po weeriigap Asaph ko ki Sakur, Joseph, Netania, ak Asarela. Kiboisye icheek ko ki indochin kwandanywa, Asaph, ne ki maoteni, ko uu ng'atuutyetap laitoryat.

³ Ki sich Jeduthun weeriik chooto ko: Gedalia, Seri, Jesaia, Shimei, Hasabia, ak Matitia, lo; che ki indochin kwandanywa Jeduthun kobutei ketubet, che ki maoteni, kimwaei kongoi ak kolasu Kamuktaindet ne Toroor.

⁴ Weeriigap Herman ko ki: Bukia, Mattaniah, Uzziel, Sebuel, Jerimoth, Hananiah, Hanani, Eliata, Gidalti, Romamti-eser, Josbekasa, Maloti, Hotir, ak Maasiot.

⁵ Chuuto tugul ko ki weeriigap Herman keerindetap laitoryat eng' ng'aleegap Kamuktaindet, konamji parak kuinet. Ak ki igoochi Kamuktaindet Herman weeriik taman ak ang'wan ak tiibiik somok.

⁶ Ki pou chuuto tugul kwandanywa si kotyenso eng' kootap Kamuktaindet ne Toroor, kotinyei sanisyek che po sugunonik che kibirei, ak ketubosyek, agobo otisyetap kootap Kamuktaindet. King'atei laitoryat Asaph, Jeduthun ak Herman.

⁷ Ki ek koitetap chooto kobooto tupchosyekwak che ki kineet eng' tyenwogik kotyenji Kamuktaindet ne Toroor, pogol aeng' tamanwogik sisiit ak sisiit.

⁸ Kiseer parbareek agobo poisyonikwak, kogergeit tugul, che mengeechen ak che eecheen, kaneetindet ak ne kineeti.

⁹ Ki mong' parbaryat ne po tai, kobunji Joseph agobo Asaph. Ki punji ne po aeng' Gedalia; ki taman ak aeng' weeriikyik kobooto tupchosyekyik.

¹⁰ Ki punji ne po somok Sakur, ki taman ak aeng' weeriikyik kobooto tupchosyekyik.

¹¹ Ki punji ne po ang'wan Isri, ki taman ak aeng' weeriikyik ak tupchosyekyik.

¹² Ki punji ne po muut Netania, ki taman ak aeng' weeriikyik ak tupchosyekyik.

¹³ Ki punji ne po lo Bukia, ki taman ak aeng' weeriikyik ak tupchosyekyik.

¹⁴ Ki punji ne po tisap Jesarela, ki taman ak aeng' weeriikyik ak tupchosyekyik.

¹⁵ Ki punji ne po sisiit Jesaia, ki taman ak aeng' weeriikyik ak tupchosyekyik.

¹⁶ Ki punji ne po sogool Mattaniah, ki taman ak aeng' weeriikyik ak tupchosyekyik.

¹⁷ Ki punji ne po taman Shimei, ki taman ak aeng' weeriikyik ak tupchosyekyik.

¹⁸ Ki punji ne po taman ak agenge Asarel, ki taman ak aeng' weeriikyik ak tupchosyekyik.

¹⁹ Ki punji ne po taman ak aeng' Asabia, ki taman ak aeng' weeriikyik ak tupchosyekyik.

²⁰ Ki punji ne po taman ak somok Subael, ki taman ak aeng' weeriikyik ak tupchosyekyik.

²¹ Ki punji ne po taman ak ang'wan Matitia, ki taman ak aeng' weeriikyik ak tupchosyekyik.

²² Ki punji ne po taman ak muut Jeremot, ki taman ak aeng' weeriikyik ak tupchosyekyik.

²³ Ki punji ne po taman ak lo Hananiah, ki taman ak aeng' weeriikyik ak tupchosyekyik.

²⁴ Ki punji ne po taman ak tisap Josbekasa, ki taman ak aeng' weeriikyik ak tupchosyekyik.

²⁵ Ki punji ne po taman ak sisiit Hanani, ki taman ak aeng' weeriikyik ak tupchosyekyik.

²⁶ Ki punji ne po taman ak sogool Maloti, ki taman ak aeng' weeriikyik ak tupchosyekyik.

²⁷ Ki punji ne po tiptem Eliata, ki taman ak aeng' weeriikyik ak tupchosyekyik.

²⁸ Ki punji ne po tiptem ak agenge Hotir, ki taman ak aeng' weeriikyik ak tupchosyekyik.

²⁹ Ki punji ne po tiptem ak aeng' Gidalti, ki taman ak aeng' weeriikyik ak tupchosyekyik.

³⁰ Ki punji ne po tiptem ak somok Maasiot, ki taman ak aeng' weeriikyik ak tupchosyekyik.

³¹ Ki punji ne po tiptem ak ang'wan Romamti-eser, ki taman ak aeng' weeriikyik ak tupchosyekyik.