Biblia Todo Logo
Bìoball air-loidhne

- Sanasan -


१ थिस्‍सलोनिकी 3 - जिरेल

1 ख्‍योकोनला ठेता माङेत्‍कीन पीरगी स्‍याप खानामेई ङ्योकोनगी कोई एथेन्‍सदु देत्‍की दोक्‍पोईचेन ख्‍योकोन ओत्‍सापा डुइ सिन ठो खाईन

2-3 ङुरूङ न्‍वा तिमोथीला ख्‍योकोन ओत्‍सापा ताङा ओतान। तिमोथीङ ङ्योकोनताङराङ परमेश्‍वर काम खिन मिओनला ख्रीष्‍टते गा लाङच्‍येते बात लोप्‍कान्‍ते मिराङ ईन सिन ख्‍योकोनला सिरा माफाप्‍तासीन। ज्‍येनगी दुक्‍पा तेरजीन ख्‍योकोन सुङगीङ प्रभु येशूला विश्‍वास खिता तोङा मेङगो, बरू जति दुक्‍पा ओङसीनोङ सेम मेसेता खाला थेला विश्‍वास खिनराङ देता फाप्‍क्‍यो सिन आँट तेराला ङ्योकोनगी तिमोथीला थेपा ताङा ओतान। प्रभु येशूला विश्‍वास खाबेकी खित्‍सादु ङुरूङगी दुक्‍पा भोगे खिता फाप्‍क्‍यो सिन ख्‍योकोनला लेमु खाला छ्याराङ ओत।

4 ङुरूङला ज्‍येनगी खेदा खाला दुक्‍पा तेरग्‍यो सिनका ङ्योकोनगी ख्‍योकोनताङ ङ्योम्‍बु ओत्‍जीनराङ साबा ओतान। ओङाबोङ थेजीन साबा च्‍योकराङ ङुरूङला दुक्‍पा ओङसुङ मेन?

5 थोक थोक दुक्‍पा ओङ च्‍युत्‍कीन मिला पाप खित ज्‍युता छोल्‍कान्‍ते शैतानगी ना ख्‍योकोनला प्रभु येशू छ्य्‌वापेकी टाला ईन्‍दा सिन ङाला आउदी ज्‍यीबा लाबा ओतान। शैतानगी थोक खाबा ईन्‍सीन ङ्योकोनगी ख्‍योकोन नाङ खाबाते काम थाराङ खेरोला डोच्‍या ओतान। थोगी ख्‍योकोन थोरूमोङ प्रभु येशूला विश्‍वास खिनराङ दुकाना मिन्‍दुका सिन ताप्‍ला तिमोथीला ख्‍योकोन ओत्‍सापा ताङाते ईन।


तिमोथीकी लेमु लोन खुलाबाते

6 थेमे तिमोथी भर्खर थेपेकी ग्‍युरगीन वाकीन ङ्योकोनला आउदी लेमुते लोन लाःप्‍सुङ। चुक सासीन ख्‍योकोन प्रभु येशूला विश्‍वास खिनराङ दुक्‍लो, ज्‍येनला ङिङज्‍ये खिताङ ताङा मिन्‍दुक्‍लो थेमे ङ्योकोनगी ख्‍योकोनला ठेता सेम खाबा च्‍योकराङ ख्‍योकोनगीङ ङ्योकोनला आउदी खाला सम्‍झे खिन नाम ठेता ङेदोङा सिराच्‍योक खाईन गुकीन देत्‍ला दुक्‍लो सिन थेपे लोनतेबा गाङे लाःप्‍सुङ।

7 आज्‍यो न्‍वाबा ख्‍योकोनगी प्रभु येशूला विश्‍वास खिता ताङा मिन्‍दुक सिरा थोनामेईचेन पीरताङ तापकी नाङ देता फापा ओत्‍सीनोङ थेमे ज्‍येनगी दुक्‍पा तेरगीन देत्‍सीनोङ था ङ्योकोनला फामगी सामा सोबाच्‍योक लासुङ।

8 ख्‍योकोनगी थोक खाईन प्रभु येशूला विश्‍वास खिनराङ दुक सिन छ्या स्‍येनामेईचेन ख्‍योकोनगी चुक खाबाना सिन गोमा थोक ज्‍यीबा लाबा ओत्‍सीनोङ था ङ्योकोनला ढुक्‍क लासुङ।

9 ख्‍योकोनगी थोक खिनराङ ओतेकी ङ्योकोनला आउदी गा लासुङ। दि बातकी लाईदु ङ्योकोनगी ङुरूङ परमेश्‍वरला चुक सिन धन्‍यवाद तेरच्‍ये खोइ? थेलानी जतिराङ धन्‍यवाद बिन्‍सीनोङ नोमुङ मादाङो।

10 ख्‍योकोनला याङराङ ठेता ङेत्‍स्‍यीत थेमे प्रभु येशूला विश्‍वास खित्‍जीन ख्‍योकोनगी थोरूमोङ छ्या स्‍येबा फाप्‍च्‍येते बाततेबा लाप्‍ला तेरा ङेत्‍स्‍यीत सिन ङ्योकोन ङीन नुप परमेश्‍वरताङ आउदी खाला प्रार्थना खिन ओत।

11 था ङुरूङ आबा परमेश्‍वर थे खोरोङगी थेमे ङुरूङ प्रभु येशूकी ङ्योकोनला ख्‍योकोन ओत्‍सापा डोच्‍येते मौका तेरस्‍यीत।

12 थेमे ङ्योकोनगी ख्‍योकोनला झन झन ङिङज्‍ये खिताच्‍योक खाला ख्‍योकोनगीङ दाक्‍पोन नाङ थेमे ज्‍येन मि गाङेला झन झन ङिङज्‍ये खिताला प्रभु येशूकी शक्ति तेरस्‍यीत।

13 दोस्‍यिककामा मेन, था ङुरूङ प्रभु येशू थे खोरोङ मि गाङेताङ ग्‍युरला ओङे छोमु ङुरूङ आबा परमेश्‍वर दोन्‍दु ख्‍योकोन छ्याःङ गल्‍ती मेताते थेमे मेलेबाते काम सिराते छ्याःङ माक्‍याबाते मि ओङस्‍यीत सिन थेकी ख्‍योकोनला थे खोरोङला विश्‍वास खिन देताला आँट तेरस्‍यीत सिनोङ ङ्योकोन प्रार्थना खिओ।

© 1992 Wycliffe Bible Translators Inc. All rights reserved.

Wycliffe Bible Translators, Inc.
Lean sinn:



Sanasan