Biblia Todo Logo
Bìoball air-loidhne

- Sanasan -

१ यूहन्‍ना 4 - जिरेल


सु मि चुक्‍ते ईन्‍दे सिन चुक खाला ठाल्‍गीते

1 ङिङज्‍येते फिजावे, सुइँदेकी ङाला दि बात परमेश्‍वर आत्‍मेकी सिर च्‍युताते ईन सिन सिरजीनमेईराङ थोक्‍ते मि गाङे बात पत्ते माकेत। बरू थेबेकी साबाते बात परमेश्‍वर आत्‍मेकी सिर च्‍युताते ईन्‍दाकाना मेन्‍दाका सिन लेमु खाला छ्या स्‍येबा खि। च्‍यिला सासीन परमेश्‍वर बात खित्‍कान्‍ते मि ईन सिन मेन्‍दे बात लोप्‍कान्‍ते मिओन सा लुङबा खाङ ठाम्‍गीन सिन्‍दा ओत।

2 सुइँदेकी सिरच्‍येते बात परमेश्‍वर आत्‍मेकी सिर च्‍युताते ईन्‍दाकाना मेन्‍दाका सिन ङुरूङगी लेमु खाला डेला थुप्‍क्‍यो। चुक खाला सासीन येशू ख्रीष्‍ट मि जुनी लाकीन केबाते ईन सिन सिरकान्‍ते मिकीचेन परमेश्‍वर आत्‍मेकी सिर च्‍युताते बात खाबाते ईन।

3 दि बात मेन सिरकान्‍ते मिकीचेन परमेश्‍वर आत्‍मेकी सिर च्‍युताते बात खाबाते मेन। थोक्‍ते मिनी ख्रीष्‍टला विरोध खित्‍कान्‍ते मिकी सिर च्‍युताते बात लोप्‍कान्‍ते ईन। ख्रीष्‍टला विरोध खित्‍कान्‍ते मि ओङगो सिन ख्‍योकोनगी थोबाराङ ओत। थे मि थरिङोला दि सा लुङबादु वाकीन सिन्‍दाङ ओत।

4 फिजावे, ख्‍योकोन परमेश्‍वर मि ईन। थे ईनराङ मेन्‍दे बात लोप्‍कान्‍ते मिओन बात सत्‍यते मेन सिन छ्या स्‍येकीन ख्‍योकोनगी थेबाला ग्‍याला ओत। च्‍यिला सासीन दि सा लुङबे मि नाङ काम खित्‍कान्‍ते भन्‍दाचेन ख्‍योकोन सेमदु देत्‍कान्‍ते परमेश्‍वर आत्‍मा छ्ये ईन।

5 होथे मेन्‍दे बात लोप्‍कान्‍ते मिओन दि सा लुङबे मि ईन्‍देकी थेबेकी खालि दि सा लुङबे मिओनगी खित्‍च्‍येते च्‍योक्‍ते बात खिओ। थेमे थेबा च्‍योक्‍ते मिकीङ होथेबे बातराङ ङेन्‍ग्‍यो।

6 थेबा थोक्‍ते मि ईन्‍सीनोङ ङुरूङचेन परमेश्‍वर मि ईन। परमेश्‍वरला छ्या स्‍येकान्‍ते मिओनगी ङुरूङ बात ङेन्‍ग्‍यो, थे मि मेन्‍दातेबेकी ङुरूङ बात मेङेनो। होदि बात तालाराङ सु सु सत्‍यते बात खित्‍कान्‍ते ईन्‍दाका थेमे सु सु मेन्‍दे बात खित्‍कान्‍ते ईन्‍दाका सिन लेमु खाला डेला थुप्‍क्‍यो।


परमेश्‍वर मिओनला ङिङज्‍ये खित्‍कान्‍ते ईन

7 ङिङज्‍येते फिजावे, ङुरूङगी दोक्‍पोईकी ज्‍येनज्‍यीकला ङिङज्‍ये खिता फाप्‍क्‍यो। च्‍यिला सासीन ज्‍येनला ङिङज्‍ये खित्‍च्‍येते परमेश्‍वरगी खित ज्‍युत्‍च्‍येते ईन। ज्‍येनला ङिङज्‍ये खित्‍कान्‍ते मिचेन परमेश्‍वर फुज्‍युङ फुमु ओङाते मि ईन। थोक्‍ते मिकी परमेश्‍वर सु ईन्‍दे, चुक्‍ते ईन्‍दे सिन छ्या स्‍येबा ओङगो।

8 ज्‍येनला ङिङज्‍ये मिक्‍किकान्‍ते मिकी परमेश्‍वर सु ईन्‍दे, चुक्‍ते ईन्‍दे सिन छ्याराङ मेस्‍येओ। च्‍यिला सासीन परमेश्‍वरचेन ङिङज्‍ये खित्‍कान्‍ते ईन।

9 थे छ्य्‌वापेकी ङुरूङगी नोमुङ मिसिन्‍च्‍येते जुनी ङेत्‍स्‍यीत सिन परमेश्‍वरगी थे खोरोङते दोक्‍पोईकामा ओताते फुज्‍युङोङ देमा ताङा ओतान। होदि बात विचार खालाराङ थेकी ङुरूङला ङिङज्‍ये खाबाते ईन सिन दाक छ्या स्‍येकीदुक।

10 परमेश्‍वरगी ङुरूङला ङिङज्‍ये खाबाते सिराते च्‍यि ईन्‍दे सासीन ङुरूङगी थेला ङिङज्‍ये खाबाते मेन, थेकीका ङुरूङला ङिङज्‍ये खासुङ। चुक सासीन ङुरूङ पाप माफ तेरा थुप्‍स्‍यीत सिन ङुरूङगी खाबाते पापकी सजाय भोगे खाला स्‍याप्‍ला थेकी थे खोरोङ फुज्‍युङला देमा ताङाते ईन।

11 ङिङज्‍येते फिजावे, थेकी थे खोरोङ फुज्‍युङ देमा ताङगीन ङुरूङला दोक खाईन ङिङज्‍ये खाबेकी ङुरूङगीङ दोक्‍पोईकी ज्‍येनज्‍यीकला ङिङज्‍ये खिता फाप्‍क्‍यो।

12 परमेश्‍वर दोकस्‍यिकराङ दुक सिन सुङगीङ नोमुङ थोङा मेत। ईन्‍सीनोङ ङुरूङगी दोक्‍पोईकी ज्‍येनज्‍यीकला ङिङज्‍ये खासीन परमेश्‍वर ङुरूङताङ ङ्योम्‍बु देत्‍क्‍यो। थेमे थे खोरोङगी ङिङज्‍ये खाईन खिता चालाते काम परमेश्‍वरगी ङुरूङ जुनीदु पूरो खाला खिओ।

13 परमेश्‍वरगी ङुरूङला थे खोरोङ आत्‍मा बिन्‍दा ओतेकी ङुरूङ परमेश्‍वरताङ डिक्‍ला देत्‍क्‍यो थेमे थे ङुरूङताङ ङ्योम्‍बुराङ देत्‍क्‍यो सिन लेमु खाला छ्या स्‍येक्‍यो।

14 आबा परमेश्‍वरगी दि सा लुङबे मिओनला पापदुकी डेलाला थे खोरोङ फुज्‍युङला देमा ताङा ओतान। थेकी थेला देमा ताङाते ईन सिन ङ्योकोनगी ङेराङ मिगीराङ थोङाते थेमे लेमु खाईन छ्या स्‍येबाते ईन्‍देकी दि बाततेबा ङ्योकोन ज्‍येनलाङ लाःप्‍क्‍यो।

15 येशूला परमेश्‍वर फुज्‍युङ ईन सिन सिरकान्‍ते मित्ताङ परमेश्‍वर ङ्योम्‍बु देत्‍क्‍यो। थेमे होथोक्‍ते मिचेन परमेश्‍वरताङ डिक्‍ला देत्‍क्‍यो।

16 होदि बातकी छ्य्‌वापेकीराङ परमेश्‍वरगी ङुरूङला थोई ङिङज्‍ये खित्‍च्‍या ईन्‍दाका सिन ङुरूङगी लेमु खाला छ्या स्‍येक्‍यो। परमेश्‍वरचेन ङिङज्‍ये खित्‍कान्‍ते ईन। ज्‍येनला ङिङज्‍ये खित्‍कान्‍ते मिचेन परमेश्‍वरताङ डिक्‍ला देत्‍क्‍यो थेमे थोक्‍ते मित्ताङ परमेश्‍वर ङ्योम्‍बु देत्‍क्‍यो।

17 थे खोरोङगी ङिङज्‍ये खाईन खिता चालाते काम परमेश्‍वरगी ङुरूङ जुनीदु पूरो खाबा ओत्‍नामेई था मि गाङे न्‍याय खिते छोमु ङुरूङगी छ्याःङ ज्‍यीबा खिता माफाबो। च्‍यिला सासीन दि सा लुङबादु ओत्‍सीनोङ ङुरूङ येशू ख्रीष्‍ट च्‍योकराङ खाईन परमेश्‍वरताङ डिगीन देता ओत।

18 ज्‍येनला ङिङज्‍ये खित्‍कानगी छ्याःङ ज्‍यीबा खिता माफाबो। खेकीकामा मेन्‍गीन पक्‍काराङ खाला ङिङज्‍ये खित्‍कान्‍ते मिकी ज्‍यीबा खिता फाप्‍च्‍येते बात छ्याङ मेत। ज्‍यीबा खित्‍च्‍येतेनी था तिरी ङे परमेश्‍वर सजाय ङेत्‍क्‍यो साबा च्‍योकराङ ईन। थोक खाला ज्‍यीबा खित्‍कान्‍ते मि जुनीदु थे खोरोङगी ङिङज्‍ये खाईन खिता चालाते काम परमेश्‍वरगी पूरो खिताराङ मुथुबो।

19 गोमा परमेश्‍वरगी ङुरूङला ङिङज्‍ये खासुङ। थोगी ङुरूङ दोक्‍पोईकी ज्‍येनज्‍यीकला ङिङज्‍ये खिओ।

20 सुइँदेकी “ङा परमेश्‍वरला ङिङज्‍ये खिओ,” सिन खिदुक तर आज्‍यो न्‍वाला मिगी थोङसार्मु खिदुक सासीन थेचेन ढाँर खित्‍कान्‍ते ईन। थे खोरोङ मिगी दोन्‍दु ओताते आज्‍यो न्‍वालानी ङिङज्‍ये मिक्‍किदुक सासीन थेकी नोमुङ थोङाराङ मेताते परमेश्‍वरला ङिङज्‍ये खिताराङ मुथुबो।

21 परमेश्‍वरला ङिङज्‍ये खित्‍कान्‍ते मिकी दाक्‍पोन आज्‍यो न्‍वालाङ ङिङज्‍ये खि सिन येशू ख्रीष्‍टकी ङुरूङला कोताते ईन।

© 1992 Wycliffe Bible Translators Inc. All rights reserved.

Wycliffe Bible Translators, Inc.
Lean sinn:



Sanasan