Neaḃruiḋeaċ 8 - Tiomna Nua 1951 (de Siúnta)

¹ Anois, is é an poinnte is táḃaċtaiġe de’n méid atá ráiḋte againn: Atá a leiṫéid d’árd‐ṡagart againn, atá ’n‐a ṡuiḋe ar ḋeas‐láiṁ na Mórḋaċta ins na flaiṫeasaiḃ,

² do‐ġní frioṫáileaṁ san tsanctóir agus san ḃfíor‐ṫabernacal, nár ḋaoine, aċt gurḃ é an Tiġearna do ṡuiḋiġ é.

³ Óir órduiġtear gaċ árd‐ṡagart ċum taḃartaisí agus íoḋbarṫa d’ofráil: agus d’á ḃriġ sin ní foláir do’n árd‐ṡagart niḋ éigin ḃeiṫ aige le n’íoḋbairt.

⁴ Óir dá mbéaḋ sé ar talaṁ ní ḃéaḋ sé ’n‐a ṡagart ar ċor ar biṫ, toisc sagairt ofrálas taḃartaisí de réir an dliġe ḃeiṫ ann;

⁵ fir do‐ġní frioṫáileaṁ ar ṡompla agus ar scáil na neiṫe neaṁḋa, fá mar fuair Maois fógra agus é ar tí an tabernacal do ḋéanaṁ: Óir féaċ ċuige ars’ sé, go ndéanaiḋ tú gaċ uile niḋ do réir an tsompla do taisbeánaḋ ar an gcnoc duit.

⁶ Aċt anois is fearr go mór an ṁiniostrálaċt fuair sé, san méid gur idirṁeaḋontóir connarṫa níos fearr é, connraḋ atá bunuiġṫe ar ġeallaṁna ċaiḃ níos fearr.

⁷ Óir dá mbéaḋ an ċéad ċonnraḋ úd saor ó loċt, ní ḃéaḋ an dara connraḋ i gceist.

⁸ Óir is g‐á loċtú atá an Tiġearna, agus e g‐á raḋ, Féaċ, atá na laeṫe ag teaċt, adeir an Tiġearna, ’N‐a gcuirfead connraḋ nua ar bun le teaġlaċ Israel agus le teaġlaċ lúda:

⁹ Connraḋ naċ mbéiḋ cosṁail leis an gconnraḋ do rinneas le n‐a sinnsearaiḃ, San lá ’n‐a rugas ar láiṁ orṫa g‐á dtreorú amaċ as tír na hÉigipte: Óir níor ṡeasuiġeadar i mbun mo ċonnarṫa, Agus d’iompuiġeas uaṫa, adeir an Tiġearna.

¹⁰ Óir is é seo an connraḋ ḋéanfad le teaġlaċ Israel Tar éis na laeṫe úd, adeir an Tiġearna: Cuirfead mo ḋliġṫe isteaċ ’n‐a n‐aigne, Agus scríoḃfad ar a gcroiḋe iad: Agus béiḋead im’ Ḋia aca, Agus béiḋ siad‐san ’n‐a bpobal agam:

¹¹ Agus ní ṁúinfiḋ gaċ duine a ċóṁarsa, Agus gaċ duine a ḃráṫair, g‐á ráḋ, Bíoḋ aiṫne agat ar an Tiġearna: Óir béiḋ aiṫne ag gaċ uile ḋuine orm, Ó’n té is luġa go dtí an té is mó ḋíoḃ.

¹² Óir déanfad tróċaire ar a mí‐ġníoṁarṫaiḃ Agus ní ċuiṁneoċad a ṫuilleaḋ ar a bpeacaiḋiḃ.

¹³ Ġ‐á ráḋ ḋó, Connraḋ nua, is aṁlaiḋ atá an ċéad ċonnraḋ curṫa i seandaċt aige. Aċt an niḋ atá ag éirġe sean agus ag dul i n‐aois, is gearr uaiḋ dul as ar fad.