Lúcas 3 - Tiomna Nua 1951 (de Siúnta)

¹ Agus sa gcúigeaḋ bliaḋain déag de réimeas Ṫiberius Céasar, an tráṫ ’n‐a raiḃ Point Píoláid ’n‐a ċeannṗort ar lúdaea, agus Ioruaṫ ’n‐a ṫetrarċa ar an nGaililé, agus Pilib a ḋearḃráṫair ’n‐a ṫetrarċa ar Itúraea agus ar Ṫraċónítis, agus Lusanias ’n‐a ṫetrarċa ar Abiléne,

² nuair do ḃí Annas agus Cáiafas ’n‐a h‐árd‐ṡagartaiḃ, ṫáinig briaṫar Dé ċum Eoin mac Ṡaċariais sa ḃfásaċ.

³ Agus ṫáinig sé isteaċ sa gceanntar i dtimċeall Iornán, ag fógairt baistiḋ na h‐aiṫriġe ċum maiṫeaṁnais na bpeacaḋ;

⁴ mar atá scríoḃṫa i leaḃar Ésáiais fáiḋ, Guṫ an té ag glaoḋaċ sa ḃfásaċ, Réiḋtiġiḋ sliġe an Tiġearna, Déanaiḋ a ċosáin díreaċ,

⁵ Líonfar gaċ gleann, Agus ísleoċar gaċ sliaḃ agus cnoc; Agus díreoċar an cam, Agus déanfar na sliġṫe garḃa réiḋ;

⁶ Agus do‐ċífiḋ an uile ḟeoil slánú Dé.

⁷ Aduḃairt sé, d’á ḃriġ sin, leis an sluaġ do ċuaiḋ amaċ ċum go mbaistfeaḋ sé iad, A ṡlioċt na naṫraċ niṁe, cia d’ḟógair ḋaoiḃ‐se teiċeaḋ ó’n díḃfeirg atá le teaċt.

⁸ Taḃraiḋ uaiḃ, d’á ḃriġ sin, torṫaí oireas do ḃúr n‐aiṫriġe, agus ná tosnuiġiḋ ar a ráḋ liḃ féin, Atá Abraċam ’n‐a aṫair againn: óir adeirim liḃ, gur féidir le Dia slioċt d’Abraċam do ṫógáil ó na cloċaiḃ sin.

⁹ Agus ċeana féin atá an tuaġ curṫa ar ḟréiṁ na gcrann: gaċ uile ċrann, d’á ḃriġ sin, naċ dtugann toraḋ maiṫ uaiḋ, gearrtar é, agus caiṫtear sa teiniḋ é.

¹⁰ Agus d’ḟiafruiġ an sluaġ uile ḋe, g‐á ráḋ, Má’s eaḋ, créad atá le déanaṁ againn?

¹¹ Agus d’ḟreagair seisean agus aduḃairt sé leo, An té ag a ḃfuil ḋá ċasóig, taḃraḋ sé do’n té naċ ḃfuil casóg aige; agus an té ag a ḃfuil biaḋ, déanaḋ sé mar an gcéadna.

¹² Agus ṫáinig poibleacáin ċuige, leis, ċum go mbaistfiḋe iad, agus aduḃradar leis, A Ṁáiġistir, créad atá le déanaṁ againne?

¹³ Agus aduḃairt sé leo, Ná h‐éiliġiḋ níos mó ’ná an méid atá dlisteanaċ.

¹⁴ Agus do ċuir saiġdiúirí ceist air, leis, g‐á ráḋ, Agus créad atá le déanaṁ againne? Agus aduḃairt sé leo, Ná déanaiḋ foiréigean ar aoinneaċ, agus ná h‐agraiḋ éinniḋ go h‐éagcóraċ; agus biḋiḋ sásta le n‐ḃúr dtuarastal.

¹⁵ Agus nuair do ḃí na daoine ag feiṫeaṁ, agus iad uile ag maċtnaṁ ’n‐a gcroiḋṫiḃ i dtaoḃ Eoin, arḃ ḟéidir gurḃ é an Críost é;

¹⁶ d’ḟreagair Eoin, agus aduḃairt sé leo, Baistim‐se le h‐uisce siḃ; aċt atá an té is treise ’ná mé ag teaċt, agus ní fiú mé go scaoilfinn iall a ḃróg: baistfiḋ seisean leis an Spiorad Naoṁ agus le teiniḋ siḃ:

¹⁷ atá a ġaoṫaċán ’n‐a láiṁ aige, agus glanfaiḋ sé a urlár buailte, agus baileoċaiḋ sé a ċuid cruiṫneaċtan isteaċ ’n‐a scioból; aċt dóiġfiḋ sé an ċáiṫ le teiniḋ ḋó‐ṁúċta.

¹⁸ Is iomḋa spreagaḋ eile ṫug sé do na daoiniḃ, ag craoḃscaoileaḋ an tsoiscéil dóiḃ;

¹⁹ aċt Ioruat, an tetrarċa, do ḃí smaċtuiġṫe aige i dtaoḃ Héródias, bean a ḋearḃráṫar, agus i dtaoḃ na ndroċ‐neiṫe uile do‐rinne Ioruaṫ,

²⁰ do ċuir sé leo mar ḃárr ar gaċ niḋ, Eoin do ċur fá ġlas bpríosún.

²¹ Agus ṫarla, nuair do ḃí na daoine go léir baistṫe, agus ḃí Íosa baistṫe, agus ḃí sé ag guiḋe, gur fosclaḋ na flaiṫis,

²² agus gur ṫuirling an Spiorad Naoṁ i rioċt corporḋa, i gcruṫ cuilm air, agus ṫáinig an guṫ as na flaiṫeasaiḃ, Is tusa mo Ṁac ionṁain; is ionnat‐sa atá mo ṁór‐aoiḃneas.

²³ Agus do ḃí Íosa féin, ag tosnú ar ḃeiṫ tuairim deiċ mbliaḋna fiċead d’aois, agus do ḃí sé (mar raoileaḋ) ’n‐a ṁac ag Seosaṁ, mic Héli,

²⁴ mic Ṁattat, mic Léḃi, mic Ṁelċi, mic Iannai, mic Ṡeosaiṁ,

²⁵ mic Ṁattatias, mic Amós, mic Naúm, mic Esli,

²⁶ mic Haggai, mic Ṁaát, mic Ṁattatias, mic Ṡemeí, mic Ióseċ, mic Ióda,

²⁷ mic Ióanan, mic Résa, mic Ṡorobábel, mic Ṡalatiél, mic Néri,

²⁸ mic Ṁelċi, mic Addi, mic Ċósam, mic Elmadam, mic Ér,

²⁹ mic Íosa, mic Eliéser, mic Iórim, mic Ṁattat, mic Léḃi,

³⁰ mic Ṡimeon, mic Iúda, mic Ṡeosaiṁ, mic Iónam, mic Eliacim,

³¹ mic Ṁelea, mic Ṁenna, mic Ṁattata, mic Natán, mic Ḋáiḃi,

³² mic Iesse, mic Óbéd, mic Ḃóos, mic Ṡala, mic Naasón,

³³ mic Aminadab, mic Admi, mic Arni, mic Esrón, mic Ṗares, mic Iúda,

³⁴ mic Iácóib, mic Íosóig, mic Abraċaim, mic Ṫára, mic Naċór,

³⁵ mic Ṡerúċ, mic Ragú, mic Ṗálec, mic Eber, mic Ṡalá,

³⁶ mic Ċainam, mic Arfacsad, mic Ṡeim, mic Naoi, mic Lameċ,

³⁷ mic Ṁatúsala, mic Enóċ, mic Iáret, mic Ṁaleleél, mic Ċainan,

³⁸ mic Enós, mic Ṡét, mic Áḋaiṁ, mic Dé.