1 Chum na gCoirinnteach 16 - Tiomna Nua 1951 (de Siúnta)

¹ Anois i dtaoḃ an ḃailiġṫe i gcóṁair na naoṁ, déanaiḋ‐se do réir mar d’órduiġeas d’eaglaisiḃ na Galátia.

² Cuireaḋ gaċ duine agaiḃ rud i leaṫtaoiḃ i dtaisce san mbaile, do réir a acfuinne, ċum naċ mbéiḋ aon ḃailiú d’á ḋéanaṁ nuair ṫiocfad‐sa.

³ Agus nuair ṫiocfad, cuirfead na daoine ḃéas toġṫa agaiḃ le litreaċaiḃ ċum ḃur dtaḃartas do ḃreiṫ leo go hIarúsalem:

⁴ agus má’s cuiḃe ḋom féin dul, raċaiḋ siad‐san i n‐éinḟeaċt liom.

⁵ Aċt tiocfad ċugaiḃ tar a éis dom dul tríd an Ṁaiceaḋóin, óir atáim ag dul tríd an Maiceadóin;

⁶ agus is féidir go ḃfanfad, nó go gcaiṫfead an geiṁreaḋ ’n‐ḃur ḃfoċair, ċum go gcuirfiḋ siḃ ar aġaiḋ mé, cibé áit ċum a ráċad.

⁷ Óir ní mian liom siḃ d’ḟeicsin an t‐am so ar an sliġe ḋom; mar tá súil agam fanaṁain tamall ’n‐ḃur ḃfoċair, má’s toil le Dia é.

⁸ Aċt fanfad i nÉiféis, go Cingcís;

⁹ óir atá doras mór fóġanta ar ḟoscailt róṁam, agus is mór a lán náṁad atá ann.

¹⁰ Má ṫagann Timótéus, féaċ ċuige go mbéiḋ sé gan eagla ’n‐ḃur ḃfoċair: óir atá sé ag déanaṁ oibre an Tiġearna,

¹¹ mar táim‐se ḋá déanaṁ: ná déanaḋ aoinneaċ beag‐is‐fiú ḋe. Aċt cuiriḋ ar aġaiḋ ar a aistear é i síoṫċáin, ċum go dtiocfaiḋ sé ċugam; óir atáim ag súil leis i n‐éinḟeaċt leis na bráiṫriḃ.

¹² Aċt i dtaoḃ an ḃráṫar Apollos, d’impiḋeas go dian air teaċt ċugaiḃ i n‐éinḟeaċt leis na bráiṫriḃ: agus ní raiḃ fonn dá laiġead air teaċt anois; aċt tiocfaiḋ sé nuair ḃéas faill aige ċuige.

¹³ Biḋiḋ ag faire; seasaiḋ go daingean san gcreideaṁ; biḋiḋ go fearaṁail; biḋiḋ tréan‐láidir.

¹⁴ Gaċ a ndéanann siḃ, déanaiḋ i ngráḋ é.

¹⁵ Impiḋim oraiḃ, a ċáirde (atá a ḟios agaiḃ líon tiġe Steafáin, gur ab iad céad‐toraḋ Aċáia iad, agus go dtugadar iad féin ċum seirḃíse na naoṁ), go mbéiḋ siḃ uṁal d’á leiṫéidiḃ,

¹⁶ agus do gaċ duine atá ag cóṁoibriú agus ag saoṫrú.

¹⁷ Agus atá áṫas orm mar ġeall ar ṫeaċt Steafáin agus Fórtúnatuis agus Aċáicuis: óir do líonadara ar ḟag siḃ i n‐easnaṁ.

¹⁸ Óir ṫugadar suaiṁneas spioraid daṁ‐sa agus daoiḃ‐se: bíoḋ meas agaiḃ ar a leiṫéidiḃ‐sean d’á ḃriġ sin.

¹⁹ Beannuiġeann eaglaisí na hÁise ḋaoiḃ. Beannuiġeann Acuila agus Prisca go croiḋeaṁail daoiḃ san Tiġearna, i n‐éinḟeaċt leis an eaglais atá ’n‐a dtiġ.

²⁰ Beannuiġeann na bráiṫre go léir daoiḃ. Beannuiġiḋ‐se d’á ċéile le póig naoṁṫa.

²¹ Mo ḃeannaċt uaim‐se Pól lem’ láiṁ féin.

²² Cibé duine naċ ngráḋuiġeann an Tiġearna, bíoḋ sé anátema.

²³ Maran ata. Go raiḃ gráḋ an Tiġearna Íosa Críost liḃ.

²⁴ Go raiḃ mo ġráḋ‐sa agaiḃ go léir i nÍosa Críost. Amén.