Mathiơ 22 - ហ្លា ពហ្យាប់ម៍ អ៊ើយឋៃ

គ្លើយ ពយ៉ាប មឹង គ្លើយ ឞឋគ គើយ ឞ្នៃ

¹ នុន យេស៊ូ ពហ្យាប់ម៍ ហ្ងំ ឝញូ មឹង គ្លើយ ពយ៉ាប ហា វ៉ត់ ឋង់ ញូ ឡៃគ៖

² «គ្លើយ អ៊ើយឋៃ វ៉ៃ-ឡាំងហ៍ ពយ៉ាប ហ្លា ទី ពតាវ ហា រ៉ាំង ពក្ងា ឞ៊្រើយ គ្លើយ បង់ ហ្វៈម៍ ណាគ ដះគើយ ញូ ឋគ ឞ្នៃ។

³ ញូ ពឌើយ មត ហ៊្លុន ណាវ អ្យវ មត ត្វៃម៍ ញូ រ៉ៈ លយ ហ្លវ មឹង គ្លើយ បង់ ហ្វៈម៍ ឞឋគ គើយ ឞ្នៃ នុន ប៉្លៃ មត នុន ឝីត រ៉ៃ អុះ។

⁴ នុន ញូ ពឌើយ ណាវ មត ហ៊្លុន ពកន់ ឋង់ ញូ ឡៃគ៖ “រ៉ៈ ឞ៊្រើយ វ៉គ់ មត ត្វៃម៍ កវ អ្យវ អាហ្លវ នុន៖ ‘នេនែ កវ ពក្ងា ច្រោះ គ្លើយ បង់ ហ្វៈម៍ ឆ្រង់ លអ្យិត ឞស កវ កោះ ម៉ហ៍ ក្នៗ វ៉ត់ ណាគ ម៉ហ៍ ព្លេនៗ ឋាប់ ណគ យ៉ិតៗ ឆ្រង់ លអ្យិត មឹន។ រ៉ៃ បង់ ហ្វៈម៍ គ្លើយ ឞឋគ គើយ ឞ្នៃ នែ វ៉គ់’”។

⁵ ប៉្លៃ មត ត្វៃម៍ ឞ៊ិ វ៉ន់-វ៉ៃ អ្យឹ អុះ ឝញូ ឞ្យៈ ដ្វិ ណាវ ពកន់ៗ ហា រ៉ាំង ណាវ ពើ ហ្វាម៍ ហា រ៉ាំង ឋង់ យហ៍ ប្វ ឞឋ្រ

⁶ មនូស ពកន់ ឋង់ ម៉ៈ មត ហ៊្លុន នុន ហ្យាប់ម៍ ឞឆាំ ឞឆ្វៈ ឝញូ ឋាប់ តេះ ពអ្យៃ លយ ហ៊ែម៍ មឹន។

⁷ នុន អ៊ើយ ពតាវ ញូ ហេល ញូ ពឌើយ មត តហានម៍ ណាវ ពអ្យៃ លយ មត ពអ្យៃ មនូស នុន វ៉ត់ ជុះ លយ ព្លើយ ឝញូ មឹន។

⁸ ឆ្រង់ នុន ញូ រ៉ៈ ឞ៊្រើយ មត ហ៊្លុន ញូ៖ “គ្លើយ បង់ ហ្វៈម៍ ឞឋគ គើយ ឞ្នៃ កវ ពក្ងា ឆ្រង់ ឞស ប៉្លៃ មត ត្វៃម៍ កវ អ្យវ អាហ្លវ ឝញូ ឞ៊ិ ឝ៉ាល់ រ៉ៃ អុះ។

⁹ និងហ៍ នុន យ៉ឹះ ណាវ វ៉គ់ ពើ ឝ្ល៉ាន ប៉្រង់ ឆ្រង់ នុន ឆាក អ្យវ ឞ៊ិះ មនូស ឝអ៊ិះម៍ បុះ ឞ៊្រើយ រ៉ៃ បង់ ហ្វៈម៍ គ្លើយ ឞឋគ គើយ ឞ្នៃ នែ”។

¹⁰ មត ហ៊្លុន នុន ណាវ ពើ ឝ្ល៉ាន អ្យវ រ៉ៃ ឞ៊ិះ ឍើម មនូស ឝញូ បុះ ឋាប់ មនូស ស៊ែតម៍ ឋាប់ មនូស ហ្យាមម៍។  នុន មត ត្វៃម៍ រ៉ៃ បង់ ហ្វៈម៍ គ្លើយ ឞឋគ គើយ ឞ្នៃ នុន ឞគ់ ឋាប់ម៍។

¹¹ «ទើល អ៊ើយ ពតាវ មុត អ៊ែបម៍ មត ត្វៃម៍ បង់ ហ្វៈម៍ ញូ បុះ ដះគើយ ហា រ៉ាំង ឞ៊ុះ អាវ ឞ៊ិ អ្យឹ ទុយ គ្លើយ ឞឋគ គើយ ឞ្នៃ។

¹² ញូ រ៉ៈ ព នុន ឡៃគ៖ “អ៊ើ ឆ្យាំងម៍! យ៉្វា យ៉ិត អ៊ិះម៍ មុត រ៉ៃ ពើ អ៊្នែ ឞ៊ិ ឞ៊ុះ អាវ គ្លើយ ឞឋគ គើយ ឞ្នៃ ឡិ?” ដះគើយ នុន ឞ៊ិ បុះ ណគ យ៉ិត ញូ ទី ហ្យាប់ម៍ ឝ្ល៉ៃគ អុះ។

¹³ ប៉ះ អ៊្នុន អ៊ើយ ពតាវ ពឌើយ មត ង៉ៈ ឞ្វៈម៍ ញូ ញូ ឡៃគ៖ “ម៉ៈ ចៈ លយ លែ ង៉ាន ញូ វ៉គ់ ឆ្រង់ នុន ឞា ណាវ ឝ៉្លំ លយ ញូ ឝ៉ះ វ៉ាង តាំ បន ក្នាំ-ហ៊្យែងម៍ ពើ អ៊្នុន ទី ហ្មវ គ្លើយ ចក់ ហ្យា ឋាប់ កិ ឝើយ”។

¹⁴ យ៉្វា អ៊ើយឋៃ អ្យវ មនូស ល ប៉្លៃ ញូ រិះ ទគ សិត ឌើច»។

គ្លើយ បង់ លែន ឞ៊្រើយ ពតាវ សេសា

¹⁵ ឆ្រង់ នុន មត ផារ៉ាស៊ី ឞ្យៈ ណាវ ឞឝិត ឝ៉ប់ ឝញូ ច្យាំងម៍ ស៊ែម គ្លើយ យេស៊ូ ហ្យាប់ម៍ ឞ៊ិ អ្យឹ។

¹⁶ ហ្លា នុន ឝញូ ពឌើយ មត ហ្យិន ទុយ ឝញូ ហ្ងំ មត ទុយ ពតាវ ហេរ៉ូត ណាវ ពើ យេស៊ូ ឞ៊្រើយ ឝញូ ក្ញា ឡៃគ៖ «អ៊ើ ឝ្រូ! មើយហ៍ ថវ ក្ងាន់ អ៊ិះម៍ មនូស កប៉ៈ ឋាប់ ពត៝ កប៉ៈ ស៊ិត មឹង ឝ្ល៉ាន អ៊ើយឋៃ អ៊ិះម៍ ឞ៊ិ វ៉ន់-វ៉ៃ មឹង លើយ អុះ យ៉្វា អ៊ិះម៍ ឞ៊ិ ច្យាំងម៍ អប់ម៍-អនម៍ មនូស ប៉ៈ អុះ។

¹⁷ ហ្លា នុន រ៉ៈ ឞ៊្រើយ មើយហ៍ ហ៊ែម៍ វ៉គ់ អ៊ិះម៍ ឃឹត ហ៊្យឹមម៍ ប៉ៈ? គ្លើយ ឆ្វាត់ ម៉ូសេ ឞ៊្រើយ មឹន តា បង់ ប៉្វន់ ឞ៊្រើយ អ៊ើយ ពតាវ សេសា?»

¹⁸ ប៉្លៃ យេស៊ូ ថវ គ្លើយ ឝញូ ឃឹត ស៊ែតម៍ នុន ញូ ពហ្យាប់ម៍ ឡៃគ៖ «អ៊ើ មនូស ហ្យាប់ម៍ កាន់ អ្មាំង ឞះ ឌើច យ៉្វា យ៉ិត ឝអ៊ិះម៍ ឡង កវ ហ្លា នែ ឡិ?

¹⁹ ម៉ៈ ពបុះ ឞ៊្រើយ ឡាំង កវ កាក់ ប៉្វន់ នុន វ៉គ់!» ឝញូ ឞា រ៉ៃ លែន ដេណារី ហា កាក់ ឞ៊្រើយ យេស៊ូ។

²⁰ យេស៊ូ ក្ញា ឝញូ៖ «ហ៊្យឹមម៍ កាក់ នែ ហ៊ូប លើយ ឋាប់ អា ជិះ បគ លើយ?»

²¹ ឝញូ ទីល ឝ្ល៉ៃគ៖ «ពតាវ សេសា»។ នុន យេស៊ូ ពហ្យាប់ម៍ ហ្ងំ ឝញូ៖ «ឆឹ ហ្លា នុន ឋ្ងាំ សេសា ឞ៊្រើយ ឝ្ល៉ៃគ សេសា វ៉គ់  ឋ្ងាំ អ៊ើយឋៃ ឞ៊្រើយ ឝ្ល៉ៃគ អ៊ើយឋៃ»។

²² ទើល ឝញូ ហ៊្មិ និងហ៍ នុន ឝញូ ហ៊្រុក-ហ្រាក់ តាំ ឞ៊ុត ឆ្រង់ នុន ឝញូ ឞ្យៈ ដ្វិ មឹង យេស៊ូ។

មត សាឌូស៊ី ក្ញា យេស៊ូ មឹង គ្លើយ ហឍិប ឝ្ល៉ៃគ

²³ មឹង រើយ នុន មឹន ហ្មវ មត សាឌូស៊ី មុត រ៉ៃ ពើ យេស៊ូ។ មត សាឌូស៊ី នុន ឞ៊ិ ងឹ ឡៃគ ហ្មវ គ្លើយ ហឍិប ឝ្ល៉ៃគ អុះ។ ឝញូ ក្ញា យេស៊ូ៖

²⁴ «អ៊ើ ឝ្រូ! អ៊ើយ ម៉ូសេ រ៉ៈ ឡៃគ៖ “ឆឹ ដះគើយ ប៉ៈ អ្យៃ លយ ញូ ឞ៊ិ ហ្មវ ណាគ អុះ នុន ឞ៊្រើយ ឍើយ ញូ ឋគ ឞ្នៃ យ៉ង់ ញូ ច្យាំងម៍ ឞឆ្រង់ អ្យ្វយ ឞឆេះ ឞ៊្រើយ យ៉ង់ ញូ”។

²⁵ នេនែ មឹង មត មើយហ៍ ហ្មវ យ៉ង់ ឍើយ ឈុះ រ៉ាំង។ យ៉ង់ ភុន ញូ ឋគ ឞ្នៃ ឆ្រង់ នុន អ្យៃ លយ ញូ ឞ៊ិ ហ្មវ ណាគ អុះ។ ឞ្នៃ ញូ ឞឍែម ឞ៊្រើយ ឍើយ ញូ ឋគ។

²⁶ ឍើយ ទី ឋ្វា ឍើយ ទី ក្លវ ទើល ពើ ឍើយ ទី ឈុះ ហ្លា នុន មឹន។

²⁷ ទើល នុច ញូ ដះមើយ នុន អ្យៃ មឹន។

²⁸ ឆឹ និងហ៍ នុន ទើល រើយ ឍិប ឝ្ល៉ៃគ តាំ មត យ៉ង់ ឍើយ ឈុះ រ៉ាំង នុន ហ៊្យឹមម៍ ដះមើយ នុន ទី អ្យឹ ឞ្នៃ លើយ? យ៉្វា ឞ៊ិះ ឝញូ ឋគ ដះមើយ នុន សោះ-ស៊ែល»។

²⁹ យេស៊ូ ទីល ឝ្ល៉ៃគ ពើ ឝញូ៖ «ឝអ៊ិះម៍ ឃឹត ឝ្ល៉ៃគ យ៉ឹះ យ៉្វា ឝអ៊ិះម៍ ឞ៊ិ ហូង ហ្លា ពហ្យាប់ម៍ អ៊ើយឋៃ ឋាប់ ឞ៊ិ ហូង គ្លើយ កតាង ម៉្យាង ញូ លែ។

³⁰ យ៉្វា មឹង រើយ ឍិប ឝ្ល៉ៃគ រ៉ាំង ឞ៊ិ ឋគ គើយ ឞ្នៃ ឋង់ តះ ឝញូ ហ្លា ទី លីង-ឆាង ឋគ មឹង អាឋៃ ឍិះ។

³¹ ឝ៉ះ គ្លើយ ហឍិប ឝ្ល៉ៃគ មឹង អ្យៃ ហ៊្យឹមម៍ ឝអ៊ិះម៍ ឞ៊ិ ចាំ អុះ? គ្លើយ ឝអ៊ិះម៍ ឆ្វាត់ អាន គ្លើយ ពហ្យាប់ម៍ អ៊ើយឋៃ ញូ ឡៃគ៖

³² “កវ អ៊ើយឋៃ យ៉ាង អាឞ្រាហាំ  យ៉ាង អ៊ីសៈ ឋាប់ យ៉ាង យ៉ាកុប”។  អ៊ើយឋៃ ឞ៊ិ អ្យឹ យ៉ាង មនូស អ្យៃ អុះ ញូ យ៉ាង មនូស ឍិប»។

³³ ទើល ណាគ ព្លើយ ឡាន ហ៊្មិ ហ្លា នុន ឞ៊ុត ឝញូ ហ៊្រុក-ហ្រាក់ មឹង គ្លើយ យេស៊ូ ពត៝។

គ្លើយ ពតៈ ប៉ៈ ឝ្និត ហ្លោះ?

³⁴ ប៉្លៃ មត ផារ៉ាស៊ី  ទើល ឝញូ ហ៊្មិ ឡៃគ យេស៊ូ ង៉ៈ ឞ៊្រើយ មត សាឌូស៊ី អ្វាត់ម៍ ថិល ឡេះ នុន ឝញូ រ៉ៃ ពទុំម៍ ឝ៉ប់ ឝញូ។

³⁵ តាំ មត ឝញូ ហ្មវ មនូស ហា រ៉ាំង លឝើយ ឝ៉ះ គ្លើយ ឆ្វាត់ ម៉ូសេ ញូ ក្ញា ឡង-ឡាំង យេស៊ូ៖

³⁶ «អ៊ើ ឝ្រូ! តាំ គ្លើយ ឆ្វាត់ ម៉ូសេ  ហ៊្យឹមម៍ គ្លើយ ពតៈ ប៉ៈ ឝ្និត ហ្លោះ?»

³⁷ យេស៊ូ ទីល ឝ្ល៉ៃគ៖ «“អ៊ិះម៍ ខាប់ វ៉គ់ ខ្វា យ៉ាង អ៊ើយឋៃ យ៉ាង អ៊ិះម៍ ឞ៊្រើយ ឞ៊ិះ ឞ៊ុត-តៃ ឞ៊ិះ ឞ្ងាត់  ឋាប់ ឞ៊ិះ គ្លើយ អ៊ិះម៍ ឃឹត”។

³⁸ នែ យ៉ឹះ គ្លើយ ពតៈ ទី សា ញូ ឝ្និត ហ្លោះ មឹង ឞ៊ិះ គ្លើយ ពតៈ ពកន់ ឋង់។

³⁹ គ្លើយ ពតៈ ទី ឋ្វា ឝ្និត ហ្លា ទី នុន មឹន៖ “អ៊ិះម៍ ខាប់ វ៉គ់ មនូស ឋគ ឈុំម៍ ឋាល់ អ៊ិះម៍  កាល អ៊ិះម៍ ខាប់ អ៊ិះម៍ ព”។

⁴⁰ ឝ្ងឹ ហ្លា ហ្រៈ គ្លើយ ឆ្វាត់ ម៉ូសេ ឋាប់ ហ្លា ហ្រៈ មត ឞា ពហ្យាប់ម៍ អ៊ើយឋៃ  សុត ឞ្យៈ រ៉ៃ មឹង គ្លើយ ពតៈ ឋ្វា តុ នែ សោះ-ស៊ែល»។

យេស៊ូ ក្ញា ឡៃគ «យ៉ាង គ្រិះ ណាគ ច លើយ?»

⁴¹ ប៉ះ មត ផារ៉ាស៊ី ឋគ ពទុំម៍ ឝ៉ប់ ឝញូ យេស៊ូ ក្ញា ឝញូ៖

⁴² «ឝអ៊ិះម៍ ឃឹត ហ៊្យឹមម៍ ប៉ៈ មឹង យ៉ាង គ្រិះ? ញូ ណាគ ច លើយ?» ឝញូ ទីល ឝ្ល៉ៃគ៖ «ញូ ណាគ ច ពតាវ ដាវីត»។

⁴³ យេស៊ូ ក្ញា ឝញូ ឋង់៖ «ឆឹ ហ្លា នុន យ៉្វា យ៉ិត ដាវីត អ្យវ យ៉ាង គ្រិះ “ខ្វា” ប៉ះ យ៉ាង ឞ្ងាត់ ហ្យាមម៍ ឋគ មឹង ញូ? ញូ ពហ្យាប់ម៍ ហ្លា នែ៖

⁴⁴ “ខ្វា យ៉ាង អ៊ើយឋៃ ពហ្យាប់ម៍ ហ្ងំ ខ្វា កវ ញូ ឡៃគ ‘ឞ៊្រើយ អ៊ិះម៍ ឋគ ឞ៊ែន ឝ៉ះ ណ្វៈ កវ ខាគ ទើល កវ ច្រោះ មត អាយ៉ាត់ អ៊ិះម៍ ឋគ ឝ៉ះ យគ ប៉្លាគ លែ អ៊ិះម៍’”។

⁴⁵ «និងហ៍ នុន ឆឹ ដាវីត អ្យវ យ៉ាង គ្រិះ “ខ្វា” យ៉្វា យ៉ិត រ៉ាំង អ្យវ ញូ ណាគ ច ដាវីត ឋង់ ឡិ?»

⁴⁶ ហា ឞះ ឞ៊ិ ហ្មវ លើយ ថវ ទីល ឝ្ល៉ៃគ ពើ ញូ អុះ។ ទគ មឹង រើយ នុន ឞ៊ិ ហ្មវ លើយ ឃិន ក្ញា ញូ ឋង់ តះ។