H’Rut 4 - ហ្លា ពហ្យាប់ម៍ អ៊ើយឋៃ

បូអុះ ឋគ ហរូត

¹ ឆ្រង់ នុន បូអុះ ញូ ឌីគ ណាវ ពើ អ្មាំង ឆាង ព្លើយ ឋគ ឞ៊ែន យ៉ង ពើ អ៊្នុន។ ឆ្រង់ នុន ញូ បុះ យ៉ង់ ឍើយ ឝ៉ាល់ សង ទគ នុន ឞាត រ៉ៃ ទី ឋ្រង លយ ញូ ញូ នុន យ៉ឹះ បូអុះ រ៉ៈ ឞ៊្រើយ ហរូត អាហ្លវ នុន ឆ្រង់ នុន បូអុះ អ្យវ ញូ៖ «អ៊ើ យ៉ង់ វ៉េះ រ៉ៃ ឋគ ឞ៊ែន ពើ អ៊្នែ វ៉គ់»។ នុន ញូ វ៉េះ ណាវ ឋគ ឞ៊ែន ហ្ងំ ហិម៍។

² បូអុះ អ្យវ រ៉ៃ ថា ព្លើយ ព្លុះ រ៉ាំង ញូ ឡៃគ៖ «ឞ៊្រើយ ឝអ៊ិះម៍ ឋគ ឞ៊ែន វ៉គ់!» នុន ឝញូ ឋគ ឞ៊ែន។

³ នុន ញូ ពហ្យាប់ម៍ ហ្ងំ ព ឝ៉ាល់ សង ទគ ញូ ឡៃគ៖ «ណាអូមី ញូ វ៉ត់ ឝ្ល៉ៃគ មឹង ចាល ម៉ូអាប់ នេនែ ញូ ច្យាំងម៍ ប្វ លយ ក្នះ អេលី-ម៉ាលេក យ៉ង់ ឍើយ តា។

⁴ កវ ប្លង់ ឡៃគ ទី រ៉ៈ ថវ ឞ៊្រើយ អ៊ិះម៍ ឞ៊្រើយ អ៊ិះម៍ ឞ៊្លើយ ក្នះ នុន ទី ណាប់ មត ថា ព្លើយ នែ ឋាប់ មនូស ឋគ ឞ៊ែន ហា អ៊្នែ ហ៊ែម៍ មឹន។ ឆឹ ឡៃគ អ៊ិះម៍ ច្យាំងម៍ សង ទគ សង ទគ វ៉គ់! ឆឹ អ៊ិះម៍ ឝីត សង ទគ អុះ រ៉ៈ ថវ ឞ៊្រើយ កវ ហ៊ែម៍ យ៉្វា លញ៉ាវ មឹង អ៊ិះម៍ ឞ៊ិ ហ្មវ មនូស ពកន់ ឋង់ អុះ ឝ៉ាល់ សង ទគ ហា តុ កវ ឝ៉ាល់ សង ទគ តគ់ ទុយ អ៊ិះម៍»។ ព នុន ទីល ឝ្ល៉ៃគ៖ «កវ សង ទគ មឹន»។

⁵ បូអុះ ញូ ឡៃគ៖ «រើយ ប៉ៈ អ៊ិះម៍ ឞ៊្លើយ ក្នះ ណាអូមី រើយ នុន អ៊ិះម៍ ទី ទគ ហរូត សុន-សាត ម៉ូអាប់ ឆ្រង់ ឞ្នៃ អ៊ិះម៍ មឹន យ៉្វា ហរូត នុន យ៉ឹះ ដះមើយ ឝឍ្រ។ អ៊ិះម៍ ឝ៉ាល់ ឋគ ញូ ហ៊្វិម៍ លុច អ្យ្វយ ព អ្យៃ នុន ហ្ងំ ឋ្ងាំ ពដក់ ញូ ហ៊ែម៍ មឹន»។

⁶ ព ឝ៉ាល់ សង ទគ ញូ ទីល ឝ្ល៉ៃគ៖ «កវ ឞ៊ិ ថវ សង ទគ អុះ ហ៊្វិម៍ ង៉ៈ ឞរ៉ាំ លយ ឋ្ងាំ ពដក់ កវ ព។ ទគ ស៊ិត កវ សង ទគ វ៉គ់ កវ ឝីត អុះ»។

⁷ អ៊ីស្រាអ៊ែល មឹង ឌីម ទើល ឝញូ ទី ឞឆ្រង់ ឞ្វៈម៍ សង ទគ ឋាប់ ឞ្វៈម៍ ហលិះ ណគ យ៉ិតៗ នុន ឝញូ តោះ គ្លីគ ឆ្វៈ ហា ឝ៉ះ ឞ៊្រើយ រ៉ាំង ពកន់ នុន យ៉ឹះ គ្លើយ ឆ្វាត់ អ៊ីស្រាអ៊ែល ង៉ៈ ឞឆ្រង់ ឞ្វៈម៍។

⁸ ព ឝ៉ាល់ សង ទគ នុន ញូ ពហ្យាប់ម៍ ហ្ងំ បូអុះ ញូ ឡៃគ៖ «ឞ៊្លើយ ព អ៊ិះម៍ វ៉គ់»។ ឆ្រង់ នុន ញូ តោះ គ្លីគ ឆ្វៈ ញូ ឞ៊្រើយ បូអុះ។

⁹ នុន បូអុះ រ៉ៈ ឞ៊្រើយ មត ថា ព្លើយ ឋាប់ មនូស វ៉ាង អ៊្នុន ញូ ឡៃគ៖ «រើយ នែ ឝអ៊ិះម៍ យ៉ឹះ បុះ ឈែល ឞ្វៈម៍ កវ ឞ៊្លើយ មឹង ណាអូមី ឞ៊ិះ ឋ្ងាំ-ឝ្ន៉ាំ អេលី-ម៉ាលេក ឋាប់ គីលីយន ឋ្វា ញូ ម៉ាលន។

¹⁰ ហា តុ ឋង់ ហរូត សុន-សាត ម៉ូអាប់ ឞ្នៃ តវ ម៉ាលន នុន កវ ទគ ញូ ឆ្រង់ ឞ្នៃ កវ ហ៊្វិម៍ លុច អ្យ្វយ ព អ្យៃ នុន ហ្ងំ ឋ្ងាំ ពដក់ ញូ ហ៊ែម៍ មឹន ហ៊្វិម៍ ពញ៉ៈ លយ បគ ព អ្យៃ មឹង យ៉ង់ ឍើយ ញូ វ៉ត់ មឹង ព្លើយ ញូ មឹន។  ឝអ៊ិះម៍ យ៉ឹះ បុះ ឈែល ឞ្វៈម៍ រើយ នែ»។

¹¹ ឞ៊ិះ មត ឋគ ទី អ្មាំង ឆាង ព្លើយ ឋាប់ មត ថា ព្លើយ ទីល ឝ្ល៉ៃគ៖ «អ៊ើគ មើយហ៍ យ៉ឹះ មត បុះ ឈែល ឞ្វៈម៍ នែ។ មើយហ៍ ឋ្វេះ មឹង យេហូវ៉ា ង៉ៈ ឞ៊្រើយ ដះមើយ មុត តាំ សាង អ៊ិះម៍ ហ្លា ទី រ៉ាជែល ឋ្វា ញូ លេអា  ឋ្វា ឝញូ នុន យ៉ឹះ ឞឆ្រង់ ឌីគ ឃុល-ខាប សាង-ណគ អ៊ីស្រាអ៊ែល។  ឞ៊្រើយ អ៊ិះម៍ ឞឋ្រង់ ឌីគ មឹង បន អេឞ្រាតា  ឞ៊្រើយ រ៉ាំង ពអ៊ីម៍-ឞ៊្លីម៍ បគ អ៊ិះម៍ តាំ ព្លើយ បេថ្លេហិម ហ៊ែម៍ មឹន។

¹² ទើល យេហូវ៉ា ឞ៊្រើយ អ៊ិះម៍ ហ្មវ អ្យ្វយ យ៉្វា មឹង ដះមើយ នែ ឞ៊្រើយ អ្យ្វយ នុន ហ្លា ទី ឃុល-ខាប ពេរេះ ពេរេះ នុន យ៉ឹះ ណាគ តាម៉ាល ពពន ឞ៊្រើយ យូដា»។

¹³ នុន បូអុះ ទគ ហរូត ង៉ៈ ឞ្នៃ ញូ។ ទើល ឝញូ ឋគ ឝ៉ប់ ឝញូ ឞស នុន យេហូវ៉ា ឞ៊្រើយ ហរូត ឋគ ណាប់ ពពន រ៉ៃ ណាគ ដះគើយ។

¹⁴ នុន មត ដះមើយ ពហ្យាប់ម៍ ហ្ងំ ណាអូមី ឝញូ ឡៃគ៖ «ឞនី យេហូវ៉ា យ៉្វា រើយ នែ ញូ ឞ៊្រើយ អ៊ិះម៍ ហ្មវ ច នែ ហ៊្វិម៍ ញ៉ៈ លយ ព សង ទគ មឹង អ៊ិះម៍។ ឞ៊្រើយ រ៉ាំង ពអ៊ីម៍-ឞ៊្លីម៍ បគ ញូ តាំ ចាល អ៊ីស្រាអ៊ែល!

¹⁵ ហា តុ ឋង់ ច អ៊ិះម៍ នែ ទី ឞ៊្រើយ ឝ្ល៉ៃគ អ៊ិះម៍ គ្លើយ ហឍិប ផ្រវ ញូ ទី ជែម រ៉ង អ៊ិះម៍ ពើ អ៊ិះម៍ ថា គើញ។ ឞ៊ិះ គ្លើយ នែ រ៉ៃ មឹង ណាគ ពតវ អ៊ិះម៍ ពពន រ៉ៃ ញូ។ ហរូត ខាប់ អ៊ិះម៍ ឆាត ញូ ហ្យាមម៍ ហ្លោះ មឹង ណាគ ដះគើយ ឈុះ រ៉ាំង ឋង់»។

¹⁶ នុន ណាអូមី ម៉ៈ ពី ណាគ ងែ នុន ទគ មឹង អ៊្នុន ញូ រ៉ាក់-រែម ណាគ ងែ នុន។

¹⁷ នុន មត ដះមើយ ឈុំម៍ ឋាល់ ឝញូ អ្យវ ឞ៊្រើយ បគ ណាគ នុន ឝញូ ឡៃគ៖ «ឃុល-ខាប ណាអូមី ពពន រ៉ៃ ណាគ ដះគើយ ឞស!» ឝញូ អ្យវ បគ ញូ “អូប៊ែត”។ អូប៊ែត នុន យ៉ឹះ ម៉ា យេសេ យេសេ ឋង់ ម៉ា ដាវីត។

អ្យ្វយ ណាគ ច ពេរេះ ទ្រុះ ពើ ពតាវ ដាវីត

¹⁸ នែ យ៉ឹះ គ្លើយ អា ជិះ ច្រោះ បគ ណាគ ច ពេរេះ៖ ពេរេះ ម៉ា ហេស្រុន

¹⁹ ហេស្រុន ម៉ា រ៉ាម រ៉ាម ម៉ា អាមី-ណាដាប់

²⁰ អាមី-ណាដាប់ ម៉ា ណាសូន ណាសូន ម៉ា សាល់ម៉ូន

²¹ សាល់ម៉ូន ម៉ា បូអុះ បូអុះ ម៉ា អូប៊ែត

²² អូប៊ែត ម៉ា យេសេ យេសេ ម៉ា ដាវីត។:៚