H’Rut 3 - ហ្លា ពហ្យាប់ម៍ អ៊ើយឋៃ

ហរូត ពហ្យាប់ម៍ ហ្ងំ បូអុះ ពើ ឡាន អា តេះ ឋៃ

¹ នុន ណាអូមី ខ្មា ហរូត ញូ ឡៃគ៖ «អ៊ើ ណាគ កវ ឝ៉ាល់ ទី ស៊ែម ឞ៊្រើយ អ៊ិះម៍ គើយ អ៊ិះម៍ មឹង នុក-ណ្វា មឹង សាង ញូ។

² បូអុះ ញូ ឞ៊្រើយ អ៊ិះម៍ ឋគ ហ្ងំ មត ដះមើយ ង៉ៈ ឞ្វៈម៍ ញូ ញូ នុន យ៉ឹះ យ៉ង់ ឍើយ ឆិ តា ក្លាំម៍ នែ ញូ ទី ណាវ ពើ ឡាន អា តេះ ឋៃ ញូ ទី ពើយ ឞ្រាស ឋៃ អូក។

³ ឞ៊្រើយ អ៊ិះម៍ នើយ ឞ៊ុះ ឞិន អាវ សូត អ្យា បវ ហ្យាមម៍ ឆ្រង់ នុន ទ្រុន ណាវ ពើ ឡាន អា តេះ ឋៃ។ អ្នាំ ឞ៊្រើយ បូអុះ បុះ អ៊ិះម៍ អុះ ឝ៉ន ញូ ឆ្រង់ បង់ មញុំ ប៊ើយ្គ។

⁴ ទើល ញូ ប៉ិត ឞ៊្រើយ អ៊ិះម៍ ចាំ បន ញូ ប៉ិត ឆ្រង់ នុន ណាវ ទីក ឌីគ ខាន់ ឝ៉ះ ប៉្លាគ លែ ញូ ឞ៊្រើយ អ៊ិះម៍ ប៉ិត ហា អ៊្នុន ឆ្រង់ នុន ញូ ទី រ៉ៈ ឞ៊្រើយ ឞ្វៈម៍ អ៊ិះម៍ ទី ង៉ៈ»។

⁵ នុន ហរូត ឡៃគ៖ «តឝ្ងឹ ឞ្វៈម៍ អ៊ិះម៍ ពតៈ កវ ទី ង៉ៈ ទុយ»។

⁶ នុន ហរូត ញូ ទ្រុន ណាវ ពើ ឡាន អា តេះ ឋៃ ង៉ៈ ទុយ តឝ្ងឹ ឞ្វៈម៍ ខ្មា ញូ ពតៈ។

⁷ ប៉ះ បូអុះ បង់ មញុំ ឞ៊ុត ញូ មអាក នុន ញូ ណាវ ប៉ិត ទី បន អា ច្រោះ ឞ្រាស ឆ្រង់ នុន ហរូត ញូ អ្ញង ឡត ណាវ ទីក ឌីគ ខាន់ ឝ៉ះ ប៉្លាគ លែ បូអុះ នុន ញូ ប៉ិត ហិម៍ ហា អ៊្នុន។

⁸ ទើល អ្យាល់ ម្ល៉ាំ បូអុះ ញូ ឞឍិះ ឌីគ ឆ្រង់ នុន ញូ ឞឞ៊្លិ បុះ ហិម៍ ដះមើយ ប៉ិត ឝ៉ះ ប៉្លាគ លែ ញូ។

⁹ នុន ញូ ក្ញា៖ «លើយ នែ?» ម៉គ នុន ឡៃគ៖ «កវ ហរូត ដះមើយ ង៉ៈ ឞ្វៈម៍ អ៊ិះម៍។ កវ ឋ្វេះ មឹង អ៊ិះម៍ សំ ឞ៊្រើយ កវ ខាន់  ច្យាំងម៍ អ៊ិះម៍ ទគ រែម កវ ហ៊ែម៍ យ៉្វា អ៊ិះម៍ ឝ៉ាល់ សង ទគ កវ»។

¹⁰ បូអុះ ឡៃគ៖ «អូ ម៉គ ឞ្យា ឞ៊្រើយ អ៊ិះម៍ ហ្មវ គ្លើយ នុក-ណ្វា មឹង យេហូវ៉ា  យ៉្វា ឞ្វៈម៍ អ៊ិះម៍ ខាប់-ប៉ាប ង៉ៈ ហ្យាមម៍ នេនែ  ហ្យាមម៍ ហ្លោះ មឹង អាហ្លវ ឋង់  យ៉្វា ហ្មវ មឹន ឋឋាំ ហ៊ីនម៍ ឋឋាំ ឞឋ្រង់ អ៊ិះម៍ ឝីត ដ្វិ ទុយ លែ។

¹¹ នែ ឋង់ ម៉គ អ៊ិះម៍ អ្នាំ ហ៊្វិម៍ អុះ តឝ្ងឹ ឞ្វៈម៍ អ៊ិះម៍ ពហ្យាប់ម៍ កវ ទី ង៉ៈ ឞ៊្រើយ អ៊ិះម៍ មឹន យ៉្វា ឞ៊ិះ ណាគ ព្លើយ ឡាន ថវ ក្ងាន់ អ៊ិះម៍ ដះមើយ ក្យាំង ឋាប់ ឃិន ហ៊ែម៍ មឹន។

¹² អ្យឹ យ៉ឹះ អ៊ិះម៍ ពហ្យាប់ម៍ កវ ឝ៉ាល់ សង ទគ អ៊ិះម៍ មឹន។ ប៉្លៃ ហ្មវ យ៉ង់ ឍើយ ហា រ៉ាំង ឋង់ ញូ ឆិ ហ្លោះ មឹង កវ។

¹³ ម្ល៉ាំ នែ ឞ៊្រើយ អ៊ិះម៍ ប៉ិត ហា អ៊្នែ ប៊ើយ្គ ទើល ដាស ឆឹ ឡៃគ ញូ ផម សង ទគ អ៊ិះម៍  នុន ហ្យាមម៍ យ៉ឹះ។ ឆឹ ឡៃគ ញូ ឝីត នុន កវ ព ទី សង ទគ អ៊ិះម៍។ ឞ្វៈម៍ នែ កវ ទី ង៉ៈ ឞឆ្រង់ ឞ៊្រើយ ឋឍី កវ អ្វាន់ មឹង អ៊ិះម៍ ទី ណាប់ យេហូវ៉ា យ៉ាង ហឍិប។ ឞ៊្រើយ អ៊ិះម៍ ប៉ិត ហា អ៊្នែ ទើល ដាស ប៊ើយ្គ»។

¹⁴ នុន ហរូត ប៉ិត ឝ៉ះ ប៉្លាគ លែ ញូ ទើល សេង-ប្រេង ញូ ឝូគ ឌីគ ហ្លវ កាគ ថវ បុះ ឈែល។ នុន បូអុះ ឡៃគ៖ «អ្នាំ ឞ៊្រើយ រ៉ាំង ថវ ដះមើយ មុត រ៉ៃ ពើ ឡាន អា តេះ ឋៃ នែ អុះ»។

¹⁵ បូអុះ ឡៃគ ឋង់៖ «ម៉ៈ រ៉ៃ ស៊ែង អ៊ិះម៍ ម៉ៃ នុន វ៉គ់»។ នុន ហរូត ម៉ៈ ស៊ែង ពឌប ឆ្រង់ នុន បូអុះ ផា ឞ៊្រើយ ហរូត ឞ្រាស ណាំ វ៉ត់ វ៉ាល់  នុន ញូ ពគ ឞ៊្រើយ ហរូត ឞ្រាស នុន។ ឆ្រង់ នុន ហរូត ឝ្ល៉ៃគ ពើ ព្លើយ។

¹⁶ ប៉ះ ញូ ទើល ឝ្ល៉ៃគ ខ្មា ញូ ក្ញា៖ «ហ៊្យឹមម៍ ឡិ ណាគ?»  នុន ហរូត រ៉ៈ ថវ តឝ្ងឹ ឞ្វៈម៍ បូអុះ ង៉ៈ ឞ៊្រើយ ញូ។

¹⁷ ហរូត ឡៃគ ឋង់៖ «នែ ឞ្រាស ញូ ជែក ឞ៊្រើយ កវ ណាំ វ៉ត់ ញូ វ៉ាល់ ញូ ហ៊្វិម៍ កវ ឝ្ល៉ៃគ ពើ អ៊ិះម៍ ង៉ាន សោះ-ស៊ែល»។

¹⁸ នុន ណាអូមី ឡៃគ៖ «អូ ណាគ អ៊ិះម៍ ឋគ ដង់ អ៊ែបម៍ ស៊ុ ឡាំង ប៊ើយ្គ កឌី នែ ទី ឆ្រង់ ហ៊្យឹមម៍ ប៉ៈ យ៉្វា រើយ នែ បូអុះ ឞ៊ិ ឞឍើយ អុះ ញូ ទី ឞឆ្រង់ លយ កឌី នែ យ៉ឹះ»។