ភុន ឞ៊្លុង 16 - ហ្លា ពហ្យាប់ម៍ អ៊ើយឋៃ

គ្លើយ អា ពពន អ៊ីស្មាអ៊ែល

¹ ប៉្លៃ សារ៉ាយ ឞ្នៃ អាឞ្រាម ញូ ឞ៊ិ ពពន ណាគ ឞ៊្រើយ អាឞ្រាម អុះ។ ញូ ហ្មវ ដះមើយ ហ៊្លុន ហា រ៉ាំង សុន-សាត អេឈិប អា អ្យវ បគ ញូ ហាឝ៉ា។

² នុន សារ៉ាយ ពហ្យាប់ម៍ ហ្ងំ អាឞ្រាម៖ «អ៊ែបម៍ វ៉គ់!  យេហូវ៉ា ឞឝ៉ាន់ លយ កវ ឞ៊ិ ឞ៊្រើយ កវ ហ្មវ ណាគ អុះ។ និងហ៍ នុន យ៉ឹះ ឞ៊្រើយ អ៊ិះម៍ ណាវ ឆិ ឆ្យាំម៍ ហ្ងំ ហ៊្លុន កវ វ៉គ់។ អៃម៍-ញូ កវ ទី ហ្មវ ណាគ យ៉្វា មឹង ញូ មឹន ថវ»។ នុន អាឞ្រាម ហ៊្មិ ទុយ ពហ្យាប់ម៍ សារ៉ាយ ឞ្នៃ ញូ។

³ ប៉ះ អ៊្នុន អាឞ្រាម ឋគ តាំ ឡន់-អ្យា កាណាន ព្លុះ ធុន ឞស  នុន សារ៉ាយ ឞ្នៃ អាឞ្រាម ទគ ហាឝ៉ា សុន-សាត អេឈិប ហ៊្លុន ញូ ឞ៊្រើយ ញូ ណាវ ង៉ៈ ឞ្នៃ អាឞ្រាម គើយ ញូ។

⁴ ឆ្រង់ នុន អាឞ្រាម ណាវ ឆិ ឆ្យាំម៍ ហ្ងំ ហាឝ៉ា នុន ហាឝ៉ា ឋគ ណាប់។ ទើល ហាឝ៉ា បុះ ឡៃគ ញូ ឋគ ណាប់ នុន ញូ ហ្មវ ឞ៊ុត ពម៉ាត សារ៉ាយ ខ្វា ញូ។

⁵ ឆ្រង់ នុន សារ៉ាយ ពហ្យាប់ម៍ ហ្ងំ អាឞ្រាម៖ «រ៉ៃ មឹង អ៊ិះម៍ យ៉ឹះ កវ មឹង ក្នាប ហ្លា នែ! កវ ឞ៊្រើយ ដះមើយ ហ៊្លុន កវ ឞ៊្រើយ អ៊ិះម៍ វែង ទើល ញូ បុះ ឡៃគ ញូ ឋគ ណាប់ ឞស នុន ញូ ហ្មវ ឞ៊ុត ពម៉ាត កវ។ ឋ្វេះ មឹង យេហូវ៉ា ត្រិ ឞ៊្រើយ កឌី អ៊ិះម៍ ហ្ងំ កវ វ៉គ់!»

⁶ ឆ្រង់ នុន អាឞ្រាម ពហ្យាប់ម៍ ទីល ឝ្ល៉ៃគ៖ «នេនែ ហ៊្លុន អ៊ិះម៍ ឋគ តាំ ង៉ាន អ៊ិះម៍ ឞស ឝ្ល៉ាំង អ៊ិះម៍ ហាត់ម៍ ង៉ៈ ហ្ងំ ញូ ទុយ អ៊ិះម៍ បុះ ឡៃគ អ្យឹ»។ ឆ្រង់ នុន សារ៉ាយ ឞឆាំ ឞឆ្វៈ ង៉ៈ ពក្នាប ហាឝ៉ា នុន ហាឝ៉ា ដ្វិ ហិម៍ មឹង ញូ។

⁷ ឆ្រង់ នុន លីង-ឆាង យេហូវ៉ា បុះ ហាឝ៉ា ឆិ ហឡវ អ្យា មឹង ចល ឋឋាងម៍ ហឡវ អ្យា នុន ឆិ ឝ្ល៉ាន អា ណាវ ពើ ចល ស៊ើ។

⁸ នុន លីង-ឆាង ឡៃគ៖ «អ៊ើ ហាឝ៉ា ហ៊្លុន សារ៉ាយ ហ៊្យឹមម៍ អ៊ិះម៍ រ៉ៃ មឹង ប៉ៈ? ពើ ប៉ៈ អ៊ិះម៍ ទី ណាវ?» ហាឝ៉ា ទីល ឝ្ល៉ៃគ៖ «កវ ដ្វិ មឹង សារ៉ាយ ខ្វា កវ»។

⁹ លីង-ឆាង យេហូវ៉ា ទីល ឝ្ល៉ៃគ៖ «វ៉ត់ ឝ្ល៉ៃគ ពើ ខ្វា អ៊ិះម៍ វ៉គ់ ឆ្រង់ នុន ពទ្រុន ព អ៊ិះម៍ ឋគ យគ ញូ»។

¹⁰ លីង-ឆាង យេហូវ៉ា ពហ្យាប់ម៍ ឋង់៖ «កវ ទី ង៉ៈ ឞ៊្រើយ អ្យ្វយ អ៊ិះម៍ ឡាល ឌីគ ល-លិន ទើល អា ឞ៊ិ អ្នាំ យ៉ាប យ៉្វា អ្យ្វយ អ៊ិះម៍ ល ឆាត»។

¹¹ លីង-ឆាង យេហូវ៉ា ពហ្យាប់ម៍ ឋង់៖ «នេនែ! អ៊ិះម៍ ឋគ ណាប់ ឞស អ៊ិះម៍ ទី ពពន រ៉ៃ ណាគ ដះគើយ អ៊ិះម៍ ទី អ្យវ បគ ញូ “អ៊ីស្មាអ៊ែល” យ៉្វា យេហូវ៉ា ហ៊្មិ គ្លើយ ក្នាប-តាប អ៊ិះម៍ ឞស។

¹² ណាគ នែ ហ្លា ទី លៀ ឝ្ល៉ៃ ង៉ាន ញូ ហាត់ម៍ ស៊ែម កឌី តឝ្ងឹ មនូស វ៉ត់ តឝ្ងឹ ង៉ាន មនូស ហាត់ម៍ ស៊ែម ឝ្ល៉ៃគ កឌី មឹង ញូ មឹន។ ញូ ទី ឋគ ឝ៉ះ អ្យា-វ៉ាង ឞ៊ិះ ឡន់-អ្យា យ៉ង់ ឍើយ ញូ»។

¹³ ប៉ះ អ៊្នុន ហាឝ៉ា អ្យវ បគ យេហូវ៉ា ព ពហ្យាប់ម៍ ហ្ងំ ញូ៖ «អ៊ិះម៍ “អ៊ែល-រ៉ូអ៊ី”» (ច្យាំងម៍ ឡៃគ “យ៉ាង បុះ កវ”) យ៉្វា ហាឝ៉ា ឡៃគ «ហ៊្យឹមម៍ ទ្រុះ រ៉ៃ ពើ អ៊្នែ កវ បុះ ឋឍី មឹន អះម៍ ព បុះ កវ?»

¹⁴ យ៉្វា នុន យ៉ឹះ រ៉ាំង មឹង អ្យវ អ្យា ក្វៃ នុន ឡៃគ “អ្យា ក្វៃ ឡាហៃ-រ៉ូអ៊ី” (ច្យាំងម៍ ឡៃគ “ព ឋគ ឍិប បុះ កវ”)។ អ្យា ក្វៃ នុន ឋគ ប៉្លះ-វ៉ះ ព្លើយ កាដេះ មឹង ព្លើយ បារែត។

¹⁵ និងហ៍ នុន យ៉ឹះ ហាឝ៉ា ពពន ណាគ ដះគើយ ហា រ៉ាំង ឞ៊្រើយ អាឞ្រាម ឆ្រង់ នុន អាឞ្រាម អ្យវ បគ ណាគ ហាឝ៉ា ពពន នុន “អ៊ីស្មាអ៊ែល”។

¹⁶ ប៉ះ ហាឝ៉ា ពពន អ៊ីស្មាអ៊ែល ឞ៊្រើយ អាឞ្រាម នុន អាឞ្រាម ញូ ហ្មវ អាយុ 86 ធុន ឞស។