YKan. 82 - Yus Papí: Shuarja̱i̱ Yus Yamaram Chicham Najanamu

Yúsaitji tuinia nuna Yus sumamtikma

Asap kantamámu

¹ Yuska ju̱ nuṉkanmaya̱ akupin iruntramunam wajas métek sumamtikniuiti. Nú akupin iikia yúsaitji tu enentáimtumainiawai.

² Yajauch túruiniana nu sumamtiktsuk antsu péṉkera túrin sumamtikrume. Maa, ¿urutáik métek sumamtikiatarum? (Séraj)

³ Mitiaikiasha kakarmachu ainia nusha ayamprúktarum. Kuítian atsumainia nusha ashí métek yaiṉtarum.

⁴ Kuítrincha tura kakarmachusha Yusan enentáimtichu aents wáitkiainia nuyá̱ ayamprúkrum aṉkant awajsatarum.

⁵ Kiritniunam wekaakrum nekamachuitrume tura ántichuitrume. ¡Tuma asamtai nuṉka tépakmartiuk peakmaiti!

⁶ Wikia tímiajai atumsha yúsaitrume. Núnisrumek Ashí Naṉkamantu uchirí̱ntrume. Jṉ. 10:34

⁷ Túmaitiatrumek aents asarum uunt kaji̱nia ántsarmek atumsha náṉkamsarum jakattarme.

⁸ Uunt Yusá Ámeka ashí nuṉkanmaya̱ nérennuitme. Tuma asam sumamtikiawarta.