YKan. 8 - Yus Papí: Shuarja̱i̱ Yus Yamaram Chicham Najanamu

Uunt Yusa tsáapnintri̱ tura aentsu péṉkeri̱

Tawit kantamámu

¹ Uunt Yusá ii Yúsri̱nme. ¡Maa! Ame náaram ashí nuṉkanmasha tí naṉkamantuiti. Nayaimpinmasha ame tsáapnintrum ikiusuitme.

² Kame kajen tura maṉkartin ainia nu natsa̱a̱rar ame nemasrum itiatmamtikiartaj tusam uchisha tura kuírchisha shiir awajtúsarat tusam tsaṉkatkaitme. Mat. 21:16

³ Nayaimpiniam iimsan kashí nantuncha yaancha Ame najankamu ainia nuna wainiainiajai.

⁴ Nuna wainkian ¿aentsti Ame imiá enentáimtutai̱ átincha warimpiaitiajⁱ? Kame aentsu uchirí̱sha ¿warí asamtai pujursataj tamea?

⁵ Kame aentstinkia nayaimpinmaya̱ suntarja̱i̱ṉkia imianchach najankaruitme. Túrayatmek winchari̱ tura arantútairi̱ susamam nuja̱i̱ páantin awajsaitme.

⁶ Nuyá̱ Ame najankamun akupkarti tusam nin tsaṉkatkaitme. Tura ashí umirkarti tusam sukartusuitme. Isr. 2:6-8; 1 Kur. 15:27; Ipi. 1:22

⁷ Kame ashí taṉku, waakasha, muriksha tura yajasma kampunniunmaya̱sha

⁸ núnisaṉ yakí̱ nanamtin yujainia nusha tura nayantsanmaya̱ namaksha ashí umirkarti tusam sukartusuitme.

⁹ Uunt Yusá ii Yúsri̱nme. ¡Maa Ame náaram ashí nuṉkanmasha ti naṉkamantuiti!