YKan. 67 - Yus Papí: Shuarja̱i̱ Yus Yamaram Chicham Najanamu

Ashí nuṉkanmaya̱tiram Yus shiir awajsatarum

Ju̱ kanta kantamtikniun áatar súsaiti. Ju̱ kanta neturma ainia nuja̱i̱ tuntuiyatarum.

¹ Yusá iin waitnenkarturam yaintkratkata túram Ame péṉkerumji̱a̱i̱ íirkartusta. (Séraj)

² Ashí nuṉkanam Ame jintimín nekaawarti. Tura ashí uunt nuṉka mátsatkamunmasha Ame uwemtikkiartutairmin nekaawarti.

³ Maa Yusá, aents shiir awajtámsarti ashí aents shiir awajtámsarti.

⁴ Uunt nuṉkanam mátsatkatirmeka shiir enentáimkiuram warastarum. Warí aents ainia nuka Ámeka naka túrutairmiji̱a̱i̱ métek sumamtikiattame túram uunt nuṉka mátsatkamu ainia nu jintia nekapruiniame. (Séraj)

⁵ Maa Yusá, aents shiir awajtámsarti. Ashí aents shiir awajtámsarti.

⁶ ¡Núṉkaka péṉker nerekti! ¡Yus ii Yusri̱ shiir pujutan suramsattawai!

⁷ ¡Yus shiir pujutnum yaintmaktatji tura nuṉka náṉkatra ímianai mátsatkatirmesha ashamakrum arantúktarum!