YKan. 6 - Yus Papí: Shuarja̱i̱ Yus Yamaram Chicham Najanamu

Nekapnastin tsawant akui Yus seatin

Tawit kantamtikiatniun áaruiti. Kame ju̱ kanta uchu neturmaja̱i̱ tuntuiyatniuiti.

¹ Uunt Yusá, suir kaje̱ntkam chichartukaip tura kajekmesh asuttiuáwaip.

² Uunt Yusá, wi jaajna ju̱ waitnentrurta. Tura winia ukunchrusha micha jakamnia amutna ju̱ tsuárata.

³ Núnisaṉ wi tí kuntuts nekapeajai. Maa Yusá ju̱sha winiasha ¿urutáik tsuáratam?

⁴ Uunt Yusá, winia wakaniur aṉkant awajtúrsam ame waitnenkartutairmiji̱a̱i̱ uwemtikrurta.

⁵ Warí jákaru ainia nuka Áminkia enentáimturmainiatsui, jakaa matsamtainmasha ¿yaki Ámin shiir awajtámsat?

⁶ Winia enentái̱rja̱i̱ṉ uutu asan kakarmachu nekapeajai. Nu arant tuke kashi ti útkun peakrunka winia nea̱jkirja̱i̱ iniji̱á̱jai.

⁷ Winia kúntutsruja̱i̱ winia jí̱ruka úu uutu yawe̱kní̱ núnisaṉ winia kajertuinia nuja̱i̱ winia jí̱ruka íi ii ju̱ju̱kní̱.

⁸ Tí yajauch túrintirmeka wini̱i̱ya̱ṉka kanaktiarum. Warí Uunt Yus wi útman anturtukai.

⁹ ¡Uunt Yus wi seamun anturtukai núnisaṉ wi áujmatmancha anturtukai!

¹⁰ Ashí winia nemasur ainia nuka natsa̱a̱rartatui tura sapijin tákeer ajartatui. Aya aneachmanum niṉkia natsa̱a̱rar ípijiasaṉ waketkiartatui.