YKan. 54 - Yus Papí: Shuarja̱i̱ Yus Yamaram Chicham Najanamu

Ii nemasri̱ pataturkui Yus seatin

Sep aents Sáuran chicharainiak “Tawit ii nuṉke̱n ¿ú̱mak pujatsuash?” tiarmia nui̱ jú̱naka Tawit áaruiti. Tura kantamniu úuntri̱nkia kitiarja̱i̱ tuntuiyatniuiti.

¹ Maa Uunt Yusá, Ame náarmiji̱a̱i̱ uwemtikrurta túram Ame kakarmarmiji̱a̱i̱ ayamprutkata.

² Uunt Yusá, wi seajmena nu antukta. Winia wenurja̱i̱ tájamna nusha anturtukta.

³ Yajaya̱ aents winia kajertuiniak wajatrukiarai tura yajauch awajkartin ainia nuka mantuataj turutainiawai. Nu aentska Yúsnaka enentáimtichu áiniawai. (Séraj)

⁴ Iisiá, winia yainnia nuka Yúsaiti. Núnisaṉ winia wakantrun wainiainia nuja̱i̱ Uunt Yus yaintiui.

⁵ Yus winia nemasrunka yajauch túrutairi̱ni̱ṉ iniarat tusa níniak aju̱ntrattawai. ¡Ame nekas túrutairmiji̱a̱i̱ emesrarta!

⁶ Maa wínia wakeramurja̱i̱ṉ Ámin taṉkun áestuattajme. Túran Uunt Yusá Ame náarmincha péṉker asamtai pachisan shiir yumiṉsattajai.

⁷ Ashí jakamnia nekapeamunmaya̱ aṉkant awajtúsu asakmin wisha íi pujai̱ṉ winia nemasruncha nupetkarun wáinkiarmajai.