YKan. 43 - Yus Papí: Shuarja̱i̱ Yus Yamaram Chicham Najanamu

Waitnentrur aṉkant awajtúsat tusar seamu

¹ Uunt Yusá nekasa nuja̱i̱ métek nekarata. Túram uunt nuṉka mátsatka Yusan enentáimtichu ainia nuyá̱ ayamprutkata. Shuar anaṉkartin tura Yus shuarcha ainia nuyá̱ aṉkant awajtusta.

² Ámeka winia wenuke péṉker iwiartukma Yus áyatmesha ¿urukamtai ajapa iniaitiusum? ¿Urukamtai nemasur wáitkiarakuish ajakmárua nunisha wekaitiaj?

³ Nekasa núja̱i̱sha Ame tsáapnintrum akupkata. Nu wíniaka jurukiartatui. Tura Yusna akantúkma náintrumincha tura Ame pujutái̱ram írunna nui̱ ejetiartatui.

⁴ Túrunan Yus áestutai̱niam jeattajai. Yusan shiir enentáimtakun wararsattajai. Shiir enentáimtakun árpaja̱i̱ Yusá winia Yusru shiir awajsattajme.

⁵ ¿Urukamtaik jakamnia nekaprancha tura tí waitsancha pujustaj? Yusan enentáimtustatjai túran uwemtikruru asamtai yumiṉsan shiir awajsattajai.