YKan. 4 - Yus Papí: Shuarja̱i̱ Yus Yamaram Chicham Najanamu

Kánakur Yus áujsatin

Tawit kantamámu

¹ Yusá, winia ayamprutin asam wi waitsa pujai̱sha ji̱i̱rkimiame. Tura asam wi untsuamka ái̱rkata. Núnismek seajmena nu waitnentruram anturtukta.

² Tura aentstirmesha antra nu aneakrum tura waitia nu e̱a̱krumsha winia naar imiá yajauch awajsatniusha ¿urutáitsuk iniaisatarum? (Séraj)

³ Péṉker nekaatarum Uunt Yus ni anaikiamun ánturtsuk. Tuma asa wi untsúam Nisha anturtuktatui.

⁴ Yus ashama asarum tunáa túrawairap. Antsu atumí peakri̱n takamtak tepesrum ti enentáimpratarum. (Séraj)

⁵ Tura Yus winia tunaarun tsaṉkurturat tusarum taṉku áestuatarum. Tura Yusai̱ni̱ṉ enentáimsatarum.

⁶ Untsurí aents chichainiak “¿Yaki iincha nekas péṉkera nuna iniakturmastajⁱ? Tura iinkia Uunt Yusá waitnenkartutairam iniakmasta” turamainiawai.

⁷ Kame nu aents taramak ti warainia nuja̱i̱ naṉkaamas Ame winia enentái̱rui̱ ti waramtikrame.

⁸ Warí Uunt Yusá, aya Áminiak enentáimtakui shiir pujustin surame. Tura asakmin aṉkanniunam tepesan shiir kanartatjai.