YKan. 24 - Yus Papí: Shuarja̱i̱ Yus Yamaram Chicham Najanamu

Uunt Yus naṉkamantu Akupniuiti

Tawit kantamámu

¹ Ju̱ nuṉkasha tura ju̱ nuṉkanam ashí irunainia nusha takamtsuk Uunt Yusna áiniawai. 1 Kur. 10:26

² Warí, Úunt Yusak nuṉká tépakmari̱ncha najana nayantsanam tura ashí entsanam tímiatrusaṉ ikiuschamkia.

³ ¿Yaki Uunt Yus anaikiamu nainnium wákatniuit? ¿Kame yaki Yusa Uunt Je̱e̱n imiá shiirnum pujusat?

⁴ Tunáa túrichu tura yajauch enentáimcha nuyá̱ antra nuna enentáimtichu núnisaṉ nekas tajai tiniu wáitrichu ainia nu pujusártin áiniawai.

⁵ Kame uwemtikin Uunt Yus nu aentsun péṉker enentáimtusar yáintkiartatui.

⁶ Maa, nu aents Uunt Yusan wáinkiatniun wakerin áiniawai. Kame Amincha Jakupa Yúsri̱nmena nuna waitmaktinian wakerutmainiawai. (Séraj)

⁷ Maa, wáitisha urantrati. Kame métekrak uraniarti. Nui̱ Ashí Naṉkamantu Úunt Akupin shiir waya̱ti.

⁸ ¿Ausha Naṉkamantu Úunt Akupniusha yait? Ti kakaram tura mesetnumsha awakmáru Ashí Tujintkiachu Úunt Yusaiti.

⁹ Maa, wáitisha urantrati. Kame métekrak uraniarti. Nui̱ Ashí Naṉkamantu Úunt Akupin shiir waya̱ti.

¹⁰ ¿Ausha Naṉkamantu Úunt Akupniusha yait? Ashí Akupin Úunt Yusri̱ṉkia Naṉkamantu Akupniua nuiti. (Séraj)