YKan. 23 - Yus Papí: Shuarja̱i̱ Yus Yamaram Chicham Najanamu

Winia waitnia nu Yúsaiti

Tawit kantamámu

¹ Winia waitnia nu Yúsaiti. Tuma asamtai wíniaka peṉké táatruschattawai.

² Kame tí peṉker yurumak írunmanum ayamtikrawai. Nuyá̱ miyaaku entsanmaani̱ apujtus wáitiawai.

³ Tura anenta asa Winia náarun shiir enentáimtursarat tusa winia wakantrun ikiakátrurtatui. Tura naka jintianmaani̱ juruktiatui.

⁴ Paka kiritniunam jakamnianum wekaaknasha Ame winia tuke pujurta asakmin peṉké ashamkashtatjai. Warí murikiu wáinin ni wái̱ri̱ji̱a̱i̱ murikrí̱n ayamprúk tura murikiun á̱a̱rear péṉker jintianmaani̱ yarumna núnisam ayamprutkam péṉker jintianmaani̱ jurakum shiir enentáimtikruram ikiakáteame.

⁵ Winia nemasrusha iimiainiamunmaṉ yurumak tí peṉker iwiarturam péṉker taume tusam muukrui̱sha kuṉkuin asuiti ukatrame. Núnismek winia atsumamursha tí nukap surusu asakmin tsapanam áimnak ukanána núnisnak tí nukap takakjai.

⁶ Warí iwiaakaj ju̱i̱ṉkia tuke yaintkiattame tura waitnentrurtatme. Tuma asamtai Uunt Yusrui̱ naṉkankashtin iwiaakmaja̱i̱ shiir pujustatjai.