YKan. 15 - Yus Papí: Shuarja̱i̱ Yus Yamaram Chicham Najanamu

Áishmaṉ Yusan péṉker enentáimtin

Ju̱ kanta Tawit áaruiti.

¹ Maa, Uunt Yusá, Ame Shiir Awajtai̱ Je̱e̱mincha ¿yaki pujusaint? Ámin akantúkma náintrumincha ¿ya pujusminiait?

² Enta, ya esetar naka wekaak nekasa nuja̱i̱ métek túrana nu núnisaṉ ni enentái̱ji̱a̱i̱ nekasa nuna chichana nu nui̱ṉkia pujusminiaiti.

³ Tsanumcha ni írutkamuri̱ncha itiurchat awajcha tura niin ayam pujuiniana nunasha itit awajcha nu nui̱ṉkia pujusminiaiti.

⁴ Nuyá̱ netse aents iisar muí̱jkiamaitiat Uunt Yusan ashamainian shiir awajin núnisaṉ Yus íimmianum jú̱naka nekas umiktatjai tusa niṉki itiurchat awajmámkasha yapajcha nu nui̱ṉkia pujusminiaiti.

⁵ Kame kuítian íkiamuk núkap patakam awaṉturkitia ticha tura umitmákcha makumí tutai kuítian achichua nu nui̱ṉkia pujusminiaiti. Ju̱na mash túrinia nu Yusai̱ya̱ṉka peṉké umuchkiachmin pujustatui.