YKan. 149 - Yus Papí: Shuarja̱i̱ Yus Yamaram Chicham Najanamu

Israer shuara, Uunt Yus shiir awajsatarum

¹ ¡Naṉkamantuitme Uunt Yusá! Uunt Yuska yamaram kanta kantampruátarum. Winia tímiatrus enentáimturniutirmeka iruntramunam shiir awajtústarum.

² Israerá ámin Najatmana nu wararsatarum, Seuna uchiri̱yá ame Úunt Akupniurmin shiir enentáimkiuram warastarum.

³ Ni naari̱ shiir awajkuram jantsemátarum. Shakapja̱i̱sha tura ké̱e̱rja̱i̱sha shiir awajkuram kantamátarum.

⁴ Warí Uunt Yuska ni shuari̱n wararniuiti tura waantu enentáimtumachu ainia núnaka uwemtikrar aṉkant awajainiawai.

⁵ Winia nekas enentáimturainia nuka ni péṉkeri̱ji̱a̱i̱ṉ warasarti, ní peakri̱ya̱n warasar untsumkar kantamáwarti.

⁶ Yus kantamprakrumka atumí wene̱ja̱i̱ puyá̱ mái̱ atsakamu takusrum kantamátarum.

⁷ Nuja̱i̱ uunt nuṉka mátsatkamu yapajkiatarum túrarum aents asutiátarum.

⁸ Tura úunt akupin ainia nuka jiruja̱i̱ jiṉkiamu ártí núnisaṉ peṉkeri̱ ainia nusha jiru chapikmarmaja̱i̱ jiṉkiatarum.

⁹ Yus akuptámkarmania ímiatrusrum sumamtikiatarum. Tura ashí nu túrakrumni̱ṉkia Yusan tímiatrus umirin ainia nuna winchari̱ṉkia Úunt Yusak átatui. ¡Naṉkamantuitme Uunt Yusá!