YKan. 142 - Yus Papí: Shuarja̱i̱ Yus Yamaram Chicham Najanamu

Wáitiakur Yus seamu

Tawit wá̱a̱nam pujus Yusan seamu

¹ Winia chichampruja̱i̱ Jiuwan untsúajai. Winia chichampruja̱i̱ waitnentrurat tusan Jiuwan seattajai.

² Winia itiurchatrunka Ni pujamunam étsereajai. Wi wáitiakun jakamnia nekapeamuncha Ni pujamunam paant awajjai.

³ Winia enentái̱rja̱i̱ ti wáitmiaj nui̱ṉkia wi itiur pujumaj nu Ame nekartimiame. Wi wekaimiaj nu jintianmaṉka nápuktinian ú̱kar aepruttsarmai.

⁴ Winia untsuurui̱ni̱ íimsam iimiata yaaksha yáintkiatniuka atsawai. Warí ú̱mkatniun takaktsujai winia iwiaakmarun wáinkiatniuka yáakesh atsawai.

⁵ Jiuwáa Ámin untsúajme. Tura wikia aya Áminiak nákajme. Ju̱ nuṉkanam iwiaaku pujusan takakeaj nuka aya Ameketme.

⁶ Wi untsumma antukta, ti wáitkiasma pujajai. Winia pataturainia nuna wiji̱a̱i̱ naṉkaamas kakaram áiniakui nuyá̱ aṉkant awajtusta.

⁷ Wi Ame náarmin shiir awajsataj, sepunam eṉkeataj nuya̱ṉka ji̱i̱rkitia Ame péṉkerum winia iniaktursa asaakmin péṉker enentáimkia ainia nu káutrukar téntakartatui.