YKan. 138 - Yus Papí: Shuarja̱i̱ Yus Yamaram Chicham Najanamu

Jiuwá waitnenkartutairi̱ Tawit kantamámu

¹ Nekas takamtsuk enentái̱rja̱i̱ shiir awajsattajme, najankamu yus írunmanum Yus kantan kantampruáttajme.

² Ame imiatkincha Je̱e̱mini̱ íimsan tikishmártatjai. Núnismek Ámeka waitnenkartin tura Ámeka tímiatrusmek túrin asaakmin Ame náarmin shiir awajsattajai. Warí, ashí írunna nuja̱i̱ apatka íismasha Ame náaram tura Ame chichamen paantin uunt awajsaitme.

³ Untsumkamajna nú tsawantinkia ái̱rkamame. Túram winia wakantruisha kakaram awajtúsam ikiakátramame.

⁴ Maa Jiuwaá, Ame chichammin antukar Ashí nuṉkanam uunt akupin áiniana nuka shiir awajtámsartatui.

⁵ Ni túramuri̱ nekaarum Jiuwaka shiir awajsatarum, warí, Jiuwá páantniuri̱nkia ti úuntchakait.

⁶ Jiuwaka ti úuntaitiat péejchach ainia núnaka ánturui. Antsu waantu enentáimtumainia núnaka íkiaṉ nékawai.

⁷ Maaj, ti tsuumai̱ jakamnianum pujakuisha Amek iwiaakmaja̱i̱ takurkame. Winia nemasur suíran ka̱e̱ kaje̱nturkarmataisha Ame kakarmaram paant awajsam wíniaka uwemtikrurtatme.

⁸ Jiuwá ni wakeramun wini̱n umiktatui. Jiuwáa Ame waitnenkartutairmeka iniaṉnatsuk tuke awai. Ame uwejmiji̱a̱i̱ najankamuram iniaisam ikiukip.