YKan. 137 - Yus Papí: Shuarja̱i̱ Yus Yamaram Chicham Najanamu

Papirúnianam achirar yaruakma wáitiainiamu

¹ Papirúnianmaya̱ entsanam yantamach nui̱ matsamsar Seun enentáimtusar útniuyaji.

² Sause numi írunmanum nui̱ ajapén ii árpari̱ṉkia nenasarmiaji.

³ Tura iin achirmár yarurmakaru kantamáku tusa seatmarmaji. Tura amutmakar aya jú̱nik awajtámsaruitiat iin warasuk tusa chichartamainiak “Seúnnum pujusrum kantamniurumna nu kantamátarum” turamarmiaji.

⁴ ¿Jiuwá kantamprutai̱sha nékashtai̱ nuṉkanmasha itiurak kantamátajⁱ?

⁵ Maa Jerusaréṉká ámin kajinmátkimtaiṉkia winia untsuur uwejrusha wariṉsha takaschamnia ajasti.

⁶ Maa Jerusaréṉká, ámin naṉkaamas peṉké enentáimtachkunka winia waratái̱run nu naṉkaamas ámin eem ikiúachkunka winia iniai̱rka kayakpatrui̱ nujamaa juaktí.

⁷ Maa Jiuwaá, Jerusaréṉkan emeskamia nu tsawantin Etum shuar chichainiak “Páchitsuk emeskatarum, páchitsuk aeprukmartiuk takamtsuk emeskatarum” tiarmia nu enentáimturta.

⁸ ¡Amesha Papirúnia emeskamu átatme! Iin yajauch túrukratamunam yapajtiamuk ámin túrutmattana nuka shiir warasti.

⁹ ¡Yaaksha ame uchirmin achik muchiṉnum aji̱a̱ruka wararnasti! Warí, nuna naṉkaamas asutniashtatuak.