YKan. 136 - Yus Papí: Shuarja̱i̱ Yus Yamaram Chicham Najanamu

Kanta Yus shiir awajkur mai̱ kántam ajatai

¹ ¡Uunt Yus nekas péṉker asa tura Ni waitnenkartutairi̱ṉkia amuicha asamtai nekas yumiṉsatarum! YKan. 106:1; 107:1

² Ashí yusa Yusri̱ shiir awajsamu atí. Warí Ni waitnenkartutairi̱ṉkia amuichaiti.

³ Aents túrachminniaka Niṉki úuntan najanniuiti. Ni waitnenkartutairi̱ṉkia amuichaiti.

⁴ Aents tujintiamun túrana nuka Níṉkiti. Ni waitnenkartutairi̱ṉkia amuichaiti.

⁵ Nayaimpincha nekatairi̱ji̱a̱i̱ najanamiayi. Ni waitnenkartutairi̱ṉkia amuichaiti.

⁶ Entsa írunmanum nuṉká iwiaṉkármiayi. Ni waitnenkartutairi̱ṉkia amuichaiti.

⁷ Yus etsanniun jímiaran mái̱ uuntnak najanamiayi. Ni waitnenkartutairi̱ṉkia amuichaiti.

⁸ Etsa̱nka tsawái̱ kakaram etsantin atí tusa najanamiayi. Ni waitnenkartutairi̱ṉkia amuichaiti.

⁹ Kashí nantunka tura yaancha kashi etsantin ártí tímiayi. Ni waitnenkartutairi̱ṉkia amuichaiti.

¹⁰ Uunt Yus Ejiptunmaya̱ aentsu uchirí̱ iwia̱i̱ri̱n kashi ajapéṉ máwarmiayi. Ni waitnenkartutairi̱ṉkia amuichaiti.

¹¹ Uunt Yus Israer shuaran Ejiptunmaya̱n ji̱i̱rarmiayi. Ni waitnenkartutairi̱ṉkia amuichaiti.

¹² Uwejé kakarmari̱ji̱a̱i̱ tura kunturi̱n iwiaiṉkiamai. Ni waitnenkartutairi̱ṉkia amuichaiti.

¹³ Nayantsan akanák kukach ju̱ju̱ptin awajsámiayi. Ni waitnenkartutairi̱ṉkia amuichaiti.

¹⁴ Israer shuaran nuní̱ ikiati̱á̱rmiayi. Ni waitnenkartutairi̱ṉkia amuichaiti.

¹⁵ Parauṉkan suntari̱ntiuk nayantsanam ajekkámiayi. Ni waitnenkartutairi̱ṉkia amuichaiti.

¹⁶ Israer shuarnaka kampuntin atsunumaani̱ yaruakmiayi. Ni waitnenkartutairi̱ṉkia amuichaiti.

¹⁷ Kame úunt akupin armia nunasha nupetkarmiayi. Ni waitnenkartutairi̱ṉkia amuichaiti.

¹⁸ Tura úunt akupin kakaram armia nunasha máwarmiayi. Ni waitnenkartutairi̱ṉkia amuichaiti.

¹⁹ Núnisaṉ Amurnumia̱ úunt akupin Sejunnasha mámiayi. Ni waitnenkartutairi̱ṉkia amuichaiti.

²⁰ Tura Pasannumia̱ úunt akupin Úknasha mámiayi. Ni waitnenkartutairi̱ṉkia amuichaiti.

²¹ Kame nuyá̱ akupin armia nuna nuṉke̱n súsarmiayi. Ni waitnenkartutairi̱ṉkia amuichaiti.

²² Israer shuarka Ni takarniúri̱ ásarmatai nú nuṉkanka súsarmiayi. Ni waitnenkartutairi̱ṉkia amuichaiti.

²³ Péejchach enentáimturmak iinkia enentáimturmasmiaji. Ni waitnenkartutairi̱ṉkia amuichaiti.

²⁴ Ii nemasri̱ya̱ uwemtikrampramiaji. Ni waitnenkartutairi̱ṉkia amuichaiti.

²⁵ Ashí iwiaakainia nuna ayurainiawai. Ni waitnenkartutairi̱ṉkia amuichaiti.

²⁶ ¡Nayaimpir nayaimpirnumia̱ Yus shiir awajsata! Ni waitnenkartutairi̱ṉkia amuichaiti.