YKan. 131 - Yus Papí: Shuarja̱i̱ Yus Yamaram Chicham Najanamu

Aya Yusak enentáimtusar nákasar pujamu

Kantamkir wakamu Tawit aarma

¹ Jiuwá enentái̱rja̱i̱ṉkia wikia Ámiṉkia antra núnisnaka enentáimtuschaitjiame. Núnisaṉ winia jí̱ruja̱i̱ naṉkamantu íimiaschaitjiai. Núnisnak uunt awajmámsattaj tura shiir enentáimtu ajamai átaj tusancha wekaasachuitjiai.

² Tí nekas péṉker wekaakun takamat pujusuitjiai uchi nukurí̱ya̱ utsurkamua núnisnak. Tura enentái̱rka uchi utsurkamaitiat nukurí̱ takusa pujam aṉkant mitia pujá núnis pujajai.

³ Israerá, yamaiya̱ ju̱yá̱ juárkimiuk tuke iniaṉnatsuk nekas enentáiji̱a̱i̱ Jiuwá enentáimtusta.