YKan. 13 - Yus Papí: Shuarja̱i̱ Yus Yamaram Chicham Najanamu

Yaintkiat tusar Yus seamu

Kantamtikniun súak ju̱ kanta Tawit áaruiti.

¹ ¿Uunt Yusá winia túkek kajinmátruktiatam? ¿Urutmá tsawantak Ame yápim winia ú̱rtuktatam?

² ¿Urutmá tsawanta wáitsan pujustataj? ¿Winia enentái̱rji̱a̱i̱ jakamnia nekapeaj nuka tuke túmak pujuttá? ¿Winia nemasrusha urutáik winiasha uunt awajtúsaratⁱ?

³ ¡Maa Uunt Yusru íimsata túram ái̱rkata! Winia Yusru winia jí̱rusha tsáapin awajtúrsata. Nu túrutachakminkia tuke jákatniunam we̱e̱j.

⁴ Túrunamtai winia nemasur chichartak “Nupetkájai” turutiara̱i̱ṉ. Nu arantcha wi atajkintramtai winia nemasur warasarainti.

⁵ Antsu wikia Ame waitnenkartutairmin enentáimtusjai. Winia enentái̱rka Ame uwemtikkiartutairmin wararui.

⁶ Uunt Yus wíniaka péṉker awajtúsu asamtai kantampruáttajai.