YKan. 129 - Yus Papí: Shuarja̱i̱ Yus Yamaram Chicham Najanamu

Seuna nemasri̱n emesrat tusa seamu

¹ Natsa ámiaj nuya̱n núkap wáitkiarsarmai. Israer waitneasrum titiarum.

² Natsa ámiaj nuya̱n núkap wáitkiarsarmai. Túrasha wíniaka nupettukcharmai.

³ Nuṉká pukú ainia nu winia tuntuprui̱ pukuiwiarmai tura nuṉka íkrar ésaram awajsarmai.

⁴ Uunt Yus péṉker asa Yusan umircha ainia nuna jiṉkiamuri̱n tsupirkamai.

⁵ Ashí Seúnan nakitiáinia nuka natsanmai̱ ajakar úkumur waketkiarti.

⁶ Nupa̱ je̱a̱ tuntupén tsapaiyat tsakatsuk kaana núnis áiniawai.

⁷ Kame araka juu ni uwejé̱nkia tura neré juusha ni kunturi̱n pímiatsui.

⁸ Nú aentssha nuní̱ naṉkaamainiak “Uunt Yusa péṉkeri̱ atumín atí” tuíniatsui. “Uunt Yusa péṉkeri̱ji̱a̱i̱ Ni náari̱i̱n amaaji” nunasha tuíniatsui.