YKan. 128 - Yus Papí: Shuarja̱i̱ Yus Yamaram Chicham Najanamu

Uunt Yusa ashama nuka warasti

¹ Kame yaaksha Uunt Yusan ashamak tura Ni jintin wekaana nuka ti shiir enentáimsamniaiti.

² Ame uwejmiji̱a̱i̱ takakmasam yurumkumka warasam péṉker pujustatme.

³ Ame núwemka uwa ame je̱e̱min ayamach wajas nereana tura ame uchirmesha je̱e̱min ayamach wajas uriwiu yama nereana núnis ártatui.

⁴ Aents Uunt Yusan ashamana nuka jú̱nisar péṉkernum yumiṉkramu ártatui.

⁵ Kame Uunt Yuska Seúnnumia̱ṉ péṉker pujutnum yumiṉkramprati. Tura ashí tsawant iwiaaku pujuttamna nui̱ṉkia Jerusaréṉka péṉkeri̱ṉkia tuke waintiá.

⁶ Tura ame uchirmi uchirí̱sha wáinkiarta. Israernumka aṉkant pujustin atí.