YKan. 127 - Yus Papí: Shuarja̱i̱ Yus Yamaram Chicham Najanamu

Ti shiir pujustinkia Yusai̱ya̱iti

Saramúṉ kantamámu

¹ Uunt Yus je̱a̱n je̱a̱mchakuiṉkia je̱a̱mainia nusha ántar takakmainiawai. Uunt Yus péprun wáinchakuiṉkia jintia iin awajsámusha ántar wajawai.

² Ántrarum ti káshik nantarme tura kánakrumsha ti kashi kánarme. Warí wáitsarmechuk yurumearum. Kame ni aneamuri̱nkia Yus Níṉkichuk kanartinniaka sua.

³ Nekaata, Uunt Yus úchinkia aparí̱n súsaruiti tura nukurí̱nia̱ akiintsuk Úunt Yusai̱ya̱ áiniawai.

⁴ Úchipia asarik uchi yajutmakmaka kakarma uwejé̱n naṉki urukawa núnisaiti.

⁵ Aents nú naṉkin ni tuntari̱n áimiak takakuka warasminiaiti. Úuntnun jukim ni nemasri̱ji̱a̱i̱ chichainiakush natsa̱a̱rchartatui.