YKan. 126 - Yus Papí: Shuarja̱i̱ Yus Yamaram Chicham Najanamu

Seun wáketma

¹ Achira yaruakman Uunt Yus achir yarurmakarmiaj nuna Seúnnum awaketmararmiaj nuka mesekranam yarumma núnikiarmiaji.

² Nuya̱ṉka warainiakur wishirarmiaji tura warasar kantamámiaji. Nuya̱ṉka uunt nuṉka mátsatkamunam chichartamainiak “Uunt Yus ju̱ aentsun tí peṉkera nuja̱i̱ yaiṉkiaruiti” turamarmaji.

³ Nekas Uunt Yus aents túrachminian iiji̱a̱i̱ túraiti tusar waraaji.

⁴ Maa Uunt Yusa ii achir yarurmakarmiaj nuyá̱ atsunum ashints wáinkiatniua nútikiam awaketmarta.

⁵ Útkamaikia arakmainia nuka waras júukartatui.

⁶ Kustarnum arakri̱n eṉkea jukí̱ utki̱ arakmattsa wea nuka sewata nere̱n juuk waras wakitkittiawai.