YKan. 124 - Yus Papí: Shuarja̱i̱ Yus Yamaram Chicham Najanamu

Nemasri̱ya̱ aṉkant ajasu asa shiir awajma

Tawit kantamámu

¹ Uunt Yus yaintmaktaj tusa nekas iiji̱a̱i̱ pujachuitkiui̱ṉkia waitneasrun Israerá yamái jú̱ titiarum

² Aents iin kajertamiarmaj nui̱ Uunt Yus yaintmaktaj tusa nekas iiji̱a̱i̱ pujachuitkiui̱ṉkia

³ iin suíran ka̱e̱ kaje̱nturmakarmiajnia nui̱ṉkia iwiaakri̱ni̱ṉ ku̱jatmarar amutmákara̱a̱ji.

⁴ Entsa ama̱a̱rak metsar tampari̱sha iin ukatrámkara̱a̱ji.

⁵ Túmak tampá pujua pujua ajakí̱ iinkia ukatraka̱a̱ji.

⁶ Uunt Yuska tí shiir awajsamu atí. Warí namaṉ yúatniua nútikias ii nemasri̱n surutmakchaitji.

⁷ Warí e̱a̱min ajatkampramunmaya̱ chiṉki pisana núnis iikia pisarármaji. Netukma tsuriniakmatai iikia pisarármaji.

⁸ Iin yaintmaktinkia Ni náariṉkia Úunt Yusaiti. Warí Niṉki nuṉkancha tura nayaimpincha najankaiti.